قصة امي كامله ووضعها الصحي وبداية علاج ام سعد مع امي وكل شي صار لامي
=======================================
امي تعاني من مرض السكر يمكن من ست او سبع سنوات ، السنتين الاولى كانت تاخذ حبوب للسكر وبعدها الى وفاتها صرف لها الدكتور
إبر إنسولين ، وانا اللي اعطيهـا الابر في البيت، وأتابع سكرها عن طريق جهاز تحليل السكر المستعجل.. في السنتين الاخيره تأزم السكر
عند امي ، صار مو منتضم ، كانت تتنوم أحيانا حتى ينتظم وبعدين يكتب لها خروج وعلى هالحال ...
بعام 1429هـ طلع مع امي جرح اللشمانيا برجلها واخذت شهر يمكن وتشافت الحمدلله ..
و بعد فتره كانت تمشي بحوش البيت الظهر ، تبي تتشمس ، وكانت حافية القدمين لانها تبي
تحس بدفى حرارة الشمس /
بس امي كانت فاقدهـ للاحساس بالقدمين تماما .. لدرجة انها ماتدري هي لابسه الحذاء او لا ...
رحمها الله تمشت في الحوش والارض كانت مرره حااااارهـ ، ويوم دخلت البيت تفاجات بحروق بقدمها من الاسفل
من حرارة الشمس وماحست بهالشي الا في اخر اللحظات .. ..
تازم وضع قدمها لمدة شهر تقريبا وتعالجت منه وتشافت ولله الحمد ..
وبعام 1431هـ .. مرت بامراض كثيره وطول السنه كانت من مستشفى الى مستشفى ..
مره تتماثل للشفاء ومره العكس..
ومره تصبر على المرض ولاتروح للمستشفى محتسبه الاجر بهالشي .. لانها تخاف من اهمال المستشفيات وتعاملهم السيئ
خصوصا مع كبار السن وكانت تحتسب الاجر ولاتروح .. الله يرحمها الله ويكتب لها اجر صبرها ..~
في شهر 10 تقريبا 1431هـ طلع الجرح برجلها .. وخبت هالشي علينا ، وانا بالصدفه كشفت جرح قدمها ، وزعلت مني لاني عرفت ولانها ماتبينا
نقلق عليها .. ولاتبي المستشفيات ، الجرح كان في كعب قدمها اليمنى ، اخذناها بالقوه للمستشفى وكشف عليها الدكتور وقال :-
جرح غرغرينا جافه بالجلد ، واخذ اشاعه على القدم عشان يتاكد هل هي تمكنت من العظم او لا ... وطلعتت الاشعه بان العظم سليم والغرغرينا بس بالجلد ،
قص الدكتور الجلد الميت من على الجرح وطهر ه ووضع عليه شاش وقال لابد من التغيير اليومي لها بالمستوصف .. وهنا اخطا الدكتور خطا فادح بامي وحسبي الله وكفى فيه ..
لان الدكتور
الاخير اللذي اشرف على وفاة امي وشخّص وضعها من الالف الى الياء قال اكبر خطا ان يكتب لها خروج .. لانه لازم تنويمها ومعالجة الجرح وتتماثل بالشفاء باذن الله لانه بالجلد فقط ..
المهم / استمريت بالتغيير لأمي بالمستوصف لمدة اسبوع ، ثم شاء القدر ان يطيح إسم ( أم سعد لمعالجة الغرغرينا في حايل ) في ايدينا وفكرت امي بعلاجها ثم قالت بالحرف الواحد
( انا اشوف بهالعلاج خير لي وببدى فيه وعلى الله ) ماخفي عليكم كان فيه من هو مؤيد لأستخدام امي لعلاج ام سعد وهناك من هو معارض ويبيها تروح للمستشفى
بس امي كانت تكره المستشفيات كره لايمكن لأحد ان يتخيله ، وكانت دائم بعد كل صلاه تردد ( يارب ابعدني عن المستشفيات وخلني بيدين بناتي )
وانا ماالومها من كثر مانسمع عن معاملتهم السيئه لكبار السن ، فـ سبحان الله استجاب الله لدعائهـا وماصارت في ايدين المستشفيات وتوفت الله رحمها الله وهي بين ايدينا ..~
اتصلنا بأم سعد لعلاج الغرغرينا في حائل واتفقنا معها وارسلته لنا عن طريق الفديكس وسعر الخلطه 200 ريال فقط .. وهو عباره عن عسل مخلوط بادوية شعبيه
ماندري وش هي ؟ ، لانها رفضت ان تخبرنا عن مكوناته
فقط .. قالت لنا ... ان العلاج قوي على الجسم وراح تطلع عليها اعراض
من تأثير ه ..بعد عشر ايام من استخدامه وبيطلع التالي :-
1/ استفراغ ( ترجيع اكرمكم الله )
2/ اسهال ( اكرمكم الله )
3/ خمول
4/ وقالت يمكن تغيب أي تفقد التركيز كل هذا يظهر بعد 10 ايام من استخدام العلاج ..
5/ وحذرتنا اشد التحذير من دخول امي للمستشفيات لأن بمجرد مرور مسحه طبيه على قدمها او رائحة معقم سوف يتسبب لها بتسمم بالدم .. !
وطريقة استخدام العلاج كالتالي :-
يوضع على الجرح كل 12 ساعه من الخلطه ويلف بشاش خفيف وعند التبديل بعد مرور 12 ساعه يترك ربع ساعه للهواء وعلى هالطريقه ...
انفجعت من هول ماذكرت لاني اعرف جسم امي ماراح يتحمل كل اللي قالته /
بس هي قالت ووضحت / ان هالأعراض هي علامات استجابة القدم للعلاج وبعدين الشفاء ( لاتخافون )
وبعدين رحت وقلت كل ماقالته لنا أم سعد لأمي وقالت امي ( انا مرتاحه له واشوف فيه خير لي ..؟؟؟ )
وماكان في ايدينا الا ااننا نطيعها ... مانقدر نعصيها ( سبحان الله .. هذا قدرها !
استخدمت امي العلاج بتاريخ 3 / 12 / 1431هـ وبعد عشر ايام بالضبط طلعت على امي هالأعراض :..
1/ استفراغ مررره شديد يمكن باليوم والليله 5 او 6 مرات
2/ اسهال شديد ( اكرمكم الله )
3/ خمول فضيع
4/ فقدت التركيز
5/ ضعفت شهيتها للأكل بشكل كبير
6/ كانها فقدت الوعي او غيبوبه .. بس كل اللي صار انها ماتدرك ابد اللي قدامها ولاتحس باحد
اتصلنا بها وعلمناها وقالت بالحرف الواحد ( يارب لك الحمدلله هذا بداية مفعول العلاج لاتخافون ) وبعد ثلاثة ايام من هذا امي عادت لوعيها وتكلمت معنا
وكانت طبيعيه جدا وبعدها بـ 24 ساعه فقط غابت امي ..
ورجعت لها نفس الاعراض واصبحت امي ترمي بالكلام ولاتدري وش تقول !!؟ ، ولاتعرف من اللي قدامها ..
ناهيك عن شكل قدمها .. الجرح كان بكعب الرجل .. ظهرت بالرجل كامله فقاعات ومويات وخراج وصديد وتلونت القدم .. اسود وازرق واحمر وابيض.. وظهرت رائحه كريهه .. وتشققت القدم
وبدت الجروح تصعد الى الساق ... !!
اتصلنا بها وقالت بالحرف الواحد ( لا ماعليكم هذا بداية العافيه بس تحملوا .. وادعوا لها ومن هالكلام .. قلت ام سعد ترى امي مالنا غيرها بهالدنيا ..
قالت ابد تطمني والله ياجارنا كان كذا ... اول مااستخدمه كان يهذري ويخبط بالكلام والحين شوفيه متعافي ..)
ماكنت مرتاحه نهائي لكن مابيدي شي .. مااقدر اوديها للمستشفى لانها حذرتنا انه بيسبب لها تسمم بالدم .. احترت ووكلت امي لربي ..
زادت حالة امي سوء ... ما تتكلم .. ماتاكل الا شوربه ملعقه او ملعقتين وبالقوه ، وماتشرب الا حليب ولازم احد يعطيها الحليب عن طريق المزاز .. لانها ماتقدر
تمسك شي بيدها ، سكرها كنت احللها باستمرار بالبيت ويوم يضبط ومره عكس .. ماتقدر ابد تسوي شي ... حتى التغييرات الداخليه اكرمكم الله )
كنا نسويها لها ... باختصار ماتقدر تسوي لنفسها اي شي نهائي ...~
واتصلنا عليها وقلنا لها الحرمه ماتاكل ولاتشرب عادي نعطيها مغذي قالت ايه عادي جيبوه لها بالبيت ..
وطلعنا لها الاسعاف للبيت ويعطونها مغذي وفيتامينات ... مره تصحصح ومره نفس الشي مافيه فايده ... مرت الايام على هالوضع !
قبل وفاة امي باسبوع وشوي ، امي ماهي امي ابد ... شكينا ان فيها مس او شي .. مدري وش القصه واتصلنا عليها وقالت بالحرف الواحد (علاجي فيه من شجره
اللي فيه عين او نظره تخدره ) قالت ابد داوموا على القراءهـ وان شاءالله ماعليها ... ماارتحنا للوضع .. ولانقدر نسوي اي شي .. صرنا مثل المربوطين مانقدر نوديها للمستشفى ولاندري وش نسوي ... صرنا بحييييييييييييره
جبنا شيخ وقرى على امي
وقال مافيها اي شي الحمدلله .. وللتاكيد كلمنا شيخ ثاني وعلمناه باعراض امي قال يمكن تكون عين او سحر لازم نشوفها .. واتفقنا معه عشان يشوفها ...
لكن وفاة امي كانت اسرع من اتفاقنا .. ؟؟؟
الخمس الايام الاخيره قبل وفاة امي لاحظت عليها .. انها ماتشوفني .. لاني احرك يدي قدامها واسوي اشياء بشوف هي تشوفني او لا ... ومره كانت تشوفني
ومره مدري شلون .. !! عيونها تروح وتجي مثل الكفيف وطريقة نظراته ... !!!!!!!
واكتشفت بعد انها ماتسمع وهي كانت تسمع ... ولاحظت باليومين الاخيرات قبل الوفاة لو اخليها على جنبها اليمين واروح عنها يوم كامل ، برجع والقاها زي
ماتركتها ... ماتتحرك ابد ... انقلقت قلت امي وشفيها كانها ماتشوف ولاتسمع ولاتتحرك ابد .. ولاتاكل نهائي بس ماء وحليب اقطره بفمها .. وينزل من فمها ماتشربه ،
صارت حتى ماتقدر تشربه ، واتعذب عذاب وانا اشربها يمكن اجلس ربع ساعه على بال ماتشرب شي بسيط ... ولاتكمله !
وقبل الوفاة بيومين .. وانا اغير لها ( تكرمون ) انفجعت .. انصدمت .. لقيت نفخ كبيـــــــــر فبطنها من تحت السره .. انفجعت وناديت اخوي يشوفه انصدم
قلت لازم نشوف لنا حل .. امي ماتجلس على هالوضع ابد ..
واتصلنا على ام سعد وقالت خلاص وقفوا العلاج وودها المستشفى .. !!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
الحين بعد مالعبتي بامي بالعلاج وراحت فيها الحرمه تقولين الحين وودوها للمستشفى
حسبي الله عليك كل ماطلعت شمس وغابت ياام سعد !؟؟؟؟؟؟؟؟
وبعدها بساعه جتني اختي تركض تقولي تعالي شوفي امي مدري وش فيها وجيت اركض لها وكانت منسدحه بسريرها وجلّستها ورجعت دم ومعه زي الصديد اللي
كان يطلع من رجلها ونفس علاج ام سعد ولونه ... وانفاسها تروح وتجي بسرعه ... !!؟ ؟؟؟؟؟؟؟؟؟؟؟
عرفت ان امي راحت وانتهت واتصلنا بسرعه على الهلال الاحمر وطلبنا دكتور ... وارجع لامي واكلمها انا واختي الكبيره .. ولاترد وقالت اختي هذا الموت
وتغسل وجهها بماء زمزم وتقولها يمه قولي لااله الا الله .. ولها فتره ماتتكلم ابد
وسبحان الله نطقت الشهاده ... قالت بلسان ثقيل مره ... لااله الا الله .........وتوفت امي !!
وجاء الدكتور حاول يسوي لها نفس ... وحاول وحاول وحاول وبالاخير قال ... ( لااستجابه )
المريضه متوفيه
نقل الهلال الاحمر امي للانعاش محاولة منههم باسعافها ولكن بلا جدوى ... توفيت امي ؟؟؟
وانصدم بتشخيص الدكتور وكان جدا جدا جدا معصب من اللي شافه بامي ... وجدا مستاء من علاج ام سعد لقوته وانه دمر حياة انسانه
وقال المريضه كانت فاقده لكل الحواس ...؟؟؟؟؟؟؟؟؟؟؟؟؟؟؟؟
ماتشوف ولاتسمع ولاتتحرك ولاتتذوق .. واصيبت بتسمم بالدم وتوقف القلب والجهاز التنفسي ؟؟؟؟
وقال
الغرغرينا تازمت من العلاج المستخدم ووصلت للساق باكمله .. وهي بالاصل فقط بجلد كعب القدم .. ؟؟؟
واستاء كثيرا من الدكتور الاول اللي كتب لأمي خروج وماعالجها .. ؟؟
وبعدين قال ... لو عاشت المريضه لابد من بتر الرجل من نص الفخذ وبعد اسبوع من البتر تعطى ابرة كيماوي ...
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حسبي الله ونعم الوكيل
حسبي الله ونعم الوكيل
حسبي الله ونعم الوكيل
هذه قصة امي مع علاج ام سعد اللي بحايل والله يحرق قلبها مثل مااحرقت قلوبنا بامي ... وقلوب ناس كثير مو بس انا الحالي ..
احذر وبشده من التعامل مع هالحرمه واتمنى صوتي يوصل لأخر مدى للتحذير منها
واتمنى كل من يقرى قصتي ان يوصلها وينشرها على قد مايقدر
لازم العالم تحذر من هالحرمه وامثالها المجرمين
حسبي الله ونعم الوكيل