[مـحـ wkb ـمـد]

ممكن تتقبلون وجهة نظري
في هذا الوقت بالذات .. اذا توجه كلام للحويله ولا للعدوة ولا الطاحوس ولا الصيفي فهو موجه للقبيله ككل .. فوحدوا الصف والطلايب ماهي بهالطريقه ..
بحط لكل الحل المنطقي بوجهة نظري واتمنى اللي يعارضني يفند كلامي بمنطق وبدون اندفاع

انا مع فكرة التجمع واقناع العضو وجهة نظرنا ومطالبنا بكونه يمثلنا وهذا الاستجواب مفترق طرق .. لكن مو مثل الطريقه اللي صارت وما ترتب عليها

1- المسج اللي وصل للكل واللي كاتبه اخوي صاحب الموضوع واضح يا جماعه .. التجمع (بدوار الحويله) بالرقه .. في فرق بين دوار الحويله وديوانية الحويله

ثانياً : لما يكون مكان التجمع بالدوار وبعدها يتحول الى الديوان .. هذا ان دل دل على عدم وجود تنظيم .. هذا غير ان الرقه يومها وقفة شوارعها وسكان المنطقه استاؤا من هالفوضه

ثالثاً : الهدف من التجمع التصويت مع الاستجواب وضد السريه .. والنائب دز مسجات وضح موقفه انه مع الاستجوب وضد السريه ومعنى كلامه ان ماله داعي هالتجمع علشان ما يصير مثل ما صار بالندوات والتجمعات الثانيه

رابعاً : في مثل يقول من جاء بليا عزيمة بات بليا فراش .. هل كان في تنسيق مع النائب او اخوانه بهذا التجمع ولا صار من وراه ؟
هل سعيتوا الى انكم تكلمونه وتصدد ؟
اذا تصدد هني لكم حق .. اما ان التجمع يتم بدون اذنه ونبيك تقلطنا بديوانك و تغير رايك ولا يركبك حق ما عمرها صارت ولا بتصير .. انت صوت له ولك حق عليه نعم لكن ما تملكه

خامساً : الاخ اللي يقول حسين مزيد قلطهم وكلموه .. اتمنى يكون بالمنتدى ويقولي حسين مزيد التجمع اللي صار بأذنه ولا من وراه؟!!
واتفقوا على ان التجمع بالساحه اللي قدام بيته ولا فبيت حسين مزيد ؟!!
حسين مزيد مسوي مؤتمر صحفي ومنسق لكل شي وحاط 1000 كرسي فبيته والاعلام حاضر .. بالمختصر كان في تنظيم لشي مو خبط لزق .. اما تجمع دوار الحويله حتى ما ندري منو الجهه اللي دازه الدعوه

وبالاخير يالربع والله ماني محامي لاي عضو ولا ابرر له اي موقف .. لكن اذا حنا ما التمسنا لاعضائنا العذر منو اللي بيقدرهم .. وانت بالاخير قدامك التصويت .. اما السب والقذف والشد والجذب اللي بين اخوان العضو وعيال عمنا بالشارع ماله داااااااااااااااااعي .

همسه : وحدووووووووووووووا الصف