فهقت الهجس عن طرق السياسه والعتب مرفوع=إلين ابتلت اعروق السحا من هم دولتنا
اداري خاطر التاريخ وامسح فكري الممنوع=ولا ضاقت فجاج الارض دام البيت قبلتنا
اذا ضرب الجويهل شوشره واعلام ظرف اسبوع=ابي اعرف على ضرب الولا ياويش حيلتنا
قبايلنا على حد الحمى حامت سما واتفوع=واماري بالبدو والباديه واذكر قبيلتنا
ذرى ياعجيم لاتبعه ولا لش فالخنا متبوع=واذا قصر حدن منا حِذف من صف حملتنا
دخلنا مجلس الامه وحنا للبلاد ادروع=مع الدستور وقفتنا وزَرق الطيب عملتنا
والا يافيصل المسلم ترى شخص الوفي مقذوع=تبلتك الفتن مثلك مثل ماهي تبلتنا
امررها على العتبان بأية شكل ولا نوع=وهم آلاد جلدتنا وجملتهم بجملتنا
غنيه عن كتابة مدح والهيلا شداد الطوع=ولا طاعت على كسر العدل واضحت عميلتنا
يبيّن وجه من واجه وكلمة حاضرن مسموع=وسجلنا اسم غايب وغيبناه طلتنا
امانة صوت مايفرح بها راسن عليه افلوع=وصوتن داخل الصندوق يحكي ويش علتنا
ياداري يامداد العز والهاجس حداه الروع=وانا ماهمني نفسي مدام الحق ملتنا
حماش الله من اللي جند المرئي على المطبوع=وعسى ربي يعز ال..الصباح اعماد دولتنا