سامحوني على القصوووور.... اتمنى تنول على رضى منتداكم الكريم....
نويت أوسع الخاطر وفرج هي المكبوووت=وتركت أركابي تاخذني لدربِ هي توديني
وحاول أجمع أفكاري وفجأة تحتضر وتموووت=ووقف كم دقيقة صمت أدور من يعزيني
مصيبه لا تجاهلته لقيته فالحشا منحوووت=والأكبر لا تناسيته تناست عمري أسنيني
أنا وشلون أبنسى اللي يساوي درة الياقوووت=على كثر الشقى له شوق...وشوقه حيل مشقيني
تصدق حتى وجداني وكل فكره عليه تفوووت=يلازمها خياله دووم ويرفض لا يخليني
تخيل حتى في همسه يناديني بعالي الصوووت=أمانه لا تخليني وثم يرجع يحاكيني
علامك عفت خلانك..؟؟وحبلك بالوصل مفلوووت..؟؟=نسيت إنك حلفت الله بهجرك ما تأذيني..؟؟
وداهمني خيال الموت وقبرٍ يحتضن تابوووت=ويدفني قبل لامووت وشوف المووت في عيني
ضحكت وقلت يا حظي خبرتك تتبع المبخوووت=وأنا ماغير يتبعني طيوف اللي يبكيني
وثاريني سرحت ولا فطنت إلا بوسط بيوووت=كفوفن هزت أمتوني من أحلامي تصحيني
زرقني من وسط ثوبي ويصرخ قال يالسربوووت=وشلي تفعله عندك حلايا وجهك الشيني
ترا شكلك يدل أنك تبي تسرق نظر لبيوووت=حرامي أنت أو عاشق أبي تفسير تعطيني
تلعثمت وعرفت أني توهقت بفعل مثبوووت=ولاظني بيسعفني خيالي إن قام يحكيني
طرالي الكذب وقلت أبحث لزادي مطعمي والقوووت=أبي أقطف من أثمار الشجر ما طالت إيديني
حسن حظي تحت بيته عناقيد العنب والتوووت=شفعلي الكذب وأدري أنه يخالف منهجي وديني
تركني وقال أببلعها ويصفق بيدا عالكبوووت=توكل دامها نفسي رضيه وأنت مرضيني
كلامن يزعج الخاطر وحسسني أنا هلفوووت=كأن العله في عقلي وطابت يوم يكويني
نويت أضيق الخاطر وزود همي المكبوووت=أنا من يوم ما وكلت ركابي هي توديني
سلامتــــــــكم