.. ،
في ليلة الفقد من يسمع مواويلك ؟ = يا ناي حزني ، ومن يبكي علشانك ؟!
ادميت حنجرتك بـ / صوتك ، وقنديلك = طفا مع أوّل [ لحن موجع ] من ألحانك !
حزين والناس لو تسمع ؟ بـ / ترثي لك ! = وحيد وتحس بالغربه فـ / اوطانك !
مالك ليا طال بـ / الوحده عمر ليلك = سوى انّك تسولف بحزنك لـ / جدرانك !
ماني بـ / مثلك ، لو اغرق في [ تفاصيلك ] = واحكي بـ / نبرتك عن حزني لـ / وجدانك
مالك خليلٍ مثل خلّي ، لو احكي لك = عن طهر قلبك ؟ تبي [ تزهد في خلاّنك ] !
زعلّته ، وعذري ابيض من مناديلك ! = لا شربت دموع تنهيدك وحرمانك
جيت اعتذر له ، وقال : الله يخلّي لك = قلبك ، روى قلبي الظامي بـ / نكرانك !
قصّرت ، مدري لـ / متى تقصّر واعدّي لك ؟! = وملّيت وانا اتوسّل [ غيمة احسانك ] !
ابيك تمطر عطا ، وابطت هماليلك ! = وبديت اعلّق جرس هجرك ، ونسيانك !
تهزّه ان مات قلبك ، وانهدم حيلك = وآخر ورود الرجا ماتت في بستانك !
بـ / اتركك ، واوعدك ما ارجع لك ، ولا اشكي لك = وان عدت لحظة وله ؟ لاتفك بيبانك !
وان رحت ما همّني لو تنثر اكليلك = على قبر فرحتي ، وتعدّد احزانك !
ماعاد يفيد الندم لو طال به ليلك = [ خسرتني من بعد ما كنت فـ / احضانك ] !
