[هادي بن فهاد]

:




أعضاء و زوار موقع مجالس قبيلة العجمان الرسمي

أسعد الله أوقاتكم بكل خير

نقدم لكم

شيله تموت الاحلام

كلمات الشاعر حمدان المري أداء المبدع هادي المري

تموت الأحلام فصدور الفقارى قهر=ويملا هدبها الدموع وتصفق كفوفها
تصبر لكن صبرها ماهوب يوم وشهر=من جوعها يمكن انها تاكل كتوفها
وتعيش الأحلام عند أهل الدراهم دهر=و (تكبر) أحلامها وتزيد مصروفها
ان كان ما خافت الله فالخفا والجهر=تاكل بعضها حرام وعينك تشوفها
زرعت في كف غيري من جميلي زهر=وجنيت جحد الرجال وقل معروفها
خطبت شيمة عزيزٍ ساق دمه مهر=وطلقت خوة بعض الأجناس وضعوفها
أصبحت اهوجس واشك أن النقاء والطهر=ضغينة صدور ناسٍ ما برا جوفها
على جدار الزمن كتبت بيت وشهر=حسب معاناة بعض الخلق وظروفها
فالوقت ذا ما تعيش أن كان مالك ظهر=الايام قوما" علينا تومي سيوفها
وكتبت لي كلمتين من الغبن والقهر=والله كتب وامطرت وانمسحت حروفها

انتمى ان تحوز على رضاكم
: