السلام عليكم ورحمة الله وبركاته
أستسمحكم أخواني على الإنقطاع الغير متعمد لكن هذي مشاغل الدنيا والله أعلم بالظروف .. هذي القصيده في خالد بن خاتم آل شريد العجمي وابو خاتم كفو ويستاهل ..
وش حيلة الي حدرت عبراته .. = من الحظوظ ووقته ونكباته ..
ويشكي عليك الحال وأنت النادر .. = النابغ الي صايبه نظراته ..
يا محزمي خالد وعصبة راسي .. = شفت الزمن كثر علي ميلاته ..
وقت حدانا للمجي وجينا .. = وقال المثل تحمي الرجل وقفاته ..
وحنا ربينا والنوايا بيضا .. = وما نتبع الملقوف والشماته ..
رجّالنا يسوى لحاله دوله .. = كم شاعرٍ قد قالها فأبياته ..
عزاز الأنفس لا وعدنا نافي .. = والهاجري معروفةٍ سيماته ..
كريم وضوّه للأوادم منصا .. = عون الرفيق الي كثرت كرباته ..
وفزعاتنا معروفةٍ من مبطي .. = دخيلنا ما خيبّت هقواته ..
والجار والعاني ومن خاوانا .. = يامن علينا ماله وشوفاته ..
ويفرح بنا منهو لفانا طرقي .. = الطيب فاله والنعم ما فاته ..
يا سعد عيني دام ذولا ربعي .. = واحد صفر للعالم وصكاته ..
وأثني النعم بأسم الهواجر وإسمي .. = ولا النعم يثنى لهم من ذاته ..
عجمان والعجمان شيٍ ثاني .. = الرجل فيهم وافيه خصلاته ..
حازوا النعم والنعم شيٍ كايد .. = لأنه هدف رجّالهم ومناته ..
ذولا محلف لا جات بقعا عوجا .. = سيفٍ مجرب وافيه جولاته ..
وختامها ذكر العزيز الهادي .. = الواحد الي نبتغي مرضاته ..