مدخل>>>>>>>
يانور عيني فرقتنا المقادير
عقبك غدت كل الليالي .. حزينه
ومافيه عقبك .. من يسد بمكانك ..
حينما يكون المحب على علم او تنبؤ ببعد المحبوب عنه لاي سبب
كالهجران وغيره يكون في استعداد لهذا الالم وغيره بسبب الفراق
وقليل من الناس من يتصرف بهذا التصرف ويتمنى للمحبوب التوفيق
سواء بالدنيا او الاخره
اترككم مع القصيده
أحس إنك تبي تبعد .. ولاتدري وش الحيله
ولا لك بالهجر أعذار .. ولابك جرح وتعاني
حبيبي لا بغيت تروح .. ابيك الماضي إتزيله
ولا تفكر أبد بندم .. على خل(ن) تناساني
أنا إن جيت تلقاني .. أحبك حب مأتزيله
رياح البعد والهجران .. ولا حتى أحد ثاني
أبي تعرف بعد عني .. أعيش الحب وأوفيله
وأضحي لجل عين ألي .. حرم نفسه على شاني
ولا أغصب ابد وآحد .. على حبي وتمويله
أبد لاينزعج مني .. وعلى المكشوف يلقاني
أنا صادق وأحب الصدق .. ولاشفت الصادق أدعيله
أحس الكلمه بوجهه .. أعبّرها وتقراني
صريح بكل ماعندي .. ولا لي بالغدر حيله
على النيه أبي أمشي .. وعسى الخونه تعداني
وأبي تعرف ترى قلبي .. يعيش اليوم والليله
يشيل أهموم لو تدري .. يعانيها من يعاني
ذبحني كثرة التفكير .. يطيح الفكر وآشيله
وأحاول أنسى مايجري .. على الدنيا وأنساني
ألا ياخل ما ودك .. تجيني تحمل الشيله
من التفكير بالدنيا .. من أهموم(ن) تحداني
وإذا أتخليت ياربي .. عسى ماتذوق من ويله
وتلقى بالسعاده درب .. ولا يجيك ألذي جاني
وأنا أغني بهالدنيا .. ويميل الحظ بالميله
وأهيجن وأنظر القمرى .. وأبكّيها بألحاني
وألا ياكيف ما ودك .. تعذب يأسود الشيله
وأنا خلك بهالدنيا .. ولا عندي سوى أحزاني
أقول ( إنساني أحسن لك) .. وقول الحب بطيله
وعيش العالم العادي .. بلا كاني بلاماني
لى حق أبكى وأكتم الدمع بسكات
من طول درب حال بيني و بينك
أصمت وأغطي عبرتي بشوي ضحكات
لا شفت كل الناس ثم قلت وينك !!
ياليت كل اللى مضى باقي ما بعد فات
ويتجدد فرح عيني بشوف عينك
أقفت بنا الدنيا ولا أدري على وين ..
يا شينها الأيام لا أقفت وجارت...
كن الثواني .. في غيابك سكاكين !
ليتك تذوق شوي .. طعم الثواني !
القلب ما هو قلب والعين .. مو عين ..
حتى مكآني ما احسه .. مكاني !
قلي دخيلك بس ابلقآه .. من مين ؟؟
من غيبتك .. بلقآه ؟!! او من زمآني
والحين شفنا وين ؟! واحلامنا وين ؟!
ضعنا اندور .. للسعآده .. مواني !!
مخرج<<<<<<<<<<<<
عندي أمنيه ..!
// نفسي استوعب غيابك .. وأتعايش مع فرقاك //