كلاكيت
(9)
أكشن..
.,,..,,..,,..,,.
طيط طيط...(مسج)
((ارسل س او s الى ×××× , وقد تربح آي فون))
العن أبوكم...لاب .........!!!!
((إستغفر الله العلي العظيم , اللهم إني صائم))
وش سالفة ا المسجات , لا يخلون احد ينام ولا شيء..!!
(ومرت الساعه الاولى ...أبي أنام... مهوب حولك...)
الساعه 10.24 صباحا"...
نام.... مافيه... القومه هي القومه...!!
أمرنا لله ..بنقوم... بس صدق..؟
وين بروح.؟
إي (رخصت القيادة ضايعة مني)
بروح اطلع وحده ..جديده..!!
طلعنا من البيت ..طبعا" الجو حلو .. ودرجة الحرار 22 مئوية والغيم ماشالله , ومطر خفيف !!!!
(خير إنشالله)... كالعاده إنتوا تعرفون جوكم..!!
مشينا إلى المرور ...
(أبي رخصة قيادة ..أبي أطلع بدل فاقد)
أطبع لك طلب وإرجع..!! أوكي..
رحنا الطباعين... ابي بدل فاقد رخصة... (عطني دينار وبطاقتك المدنية ) وصورة شخصية...!
وصورة جوازك..!!
(أح صورة جوازي مو عندي بالبيت )
كلم المدير..!!
السلام عليكم ..
أنا ابي رخصة قيادة وطلبوا علي صورة جواز وهي الصراحة مو معاي ممكن تمشيها...!!
إي عادي .. بطاقتك معاك .... (إي معاي)
طيب سو طلب وتعال لي..!!
سوينا الطلب...
وخلال15د
إستلم رخصتك...!!
والله , والله تطور المرور... قبل روح وتعال بعد إسبوعين..!!
خير وبركة..
رجعنا البيت...إي يبون (فيمتو وتانج ) على الفطور..
يالله ...نروح...نقزرها بالجمعية...!!
آذان الظهر...!!
وقفت صليت مسجد الجمعية...!!
وفية ناس اشكالهم غريبة ... بيضاااااااان وحمررررران ولابسين (دشاديش بس شكلها مو لهم قصير عليهم) !!!!
واول ما خلصت الصلاة... جاني الجواب...:
قام الإمام.. وقال أخواني تم بحمد الله إعتناق بلال من السويد وكان إسمه فرانسيس...الإسلام هو وزوجتة..
وتم بحمد لله تلقينه الشهادتين... وتم بحمد الله توفير وظيفة تؤمن له عيشة ورزقه..!!
وتم بحمد لله إعتناق عبدالله من بلجيكا وعبدالرحمن من هولندا إعتناق الإسلام وكلهم حاصلين على درجة البكلوريوس في المحاسبة
وتم تلقينه الشهاده...!!
أنا الصراحة فرحت لهم... الحمدلله على كل حال..!!
طلعت ورحت الجمعية... واخذت اغراضي...و(البنغالي) يقول لي بابا يبي شيل
قلت لا ...بس أنت مسلم قال إي مسلم (رمزان كريم) قلت هاك... صدقة..!!
ومشيت انا واغراضي للبيت...
إلا كأني دايخ شوي ودي آخذ قيلوله...!!
وصعدت (داري ....يعني غرفتي)) خخخخخخخخخخ
بعدها.. انسدحت الين صلاة العصر...
رحت صليت... وجلست لين 5 ونص فالمسجد ...يا أخوان والله ما حسيت
في الوقت ...وانا بالمسجد ..!!
المهم رجعت البيت...
إلا الأهل معزومين على الفطور مع الوالد ...؟
وأنا....!!!!!!
أنت تعال معنا أو دبر نفسك ..حبايبك واجد وأهلك واجد...!!
((طيب أوريكم...)) روحوووووا ...!!
راحوا..وأنا صرت أدقدق على خلق الله أبي أقط وجهي على واحد الكل نايم هالفترة...!!
إلا واحد رد علي ...
((هلا والله ..كأني مبشر))
وينك ... والله راجع من دورة الروضان... الله هناك شعندك..
أبد رايح اشوف اللعب...((أهااااااا))
وعلومك... وانا اقول يا رب يقولها يقولها...!!!
((تعال افطر عندي... يس يس يس قالها... ))
منو عندك أبد انا والوالد ... والله زين بجيكم....!!
(ما يدري أني من رد علي ماسك خط بيتهم...)
افطرنا عنده الله يجزيه الأجر ... ووصلينا...
وتقهوينا...
ومشيت ...البيت ... بدلت ملابسي
ورحت الصلاة...((العشاء))
بعد الصلاة... وين نروح وين نروح...!!
إي بروح لخوالي ... جدتي تعبانه ما شفتها من زمان...!!
رحت وشفت جدتي الله يحفظها... بعدها... جاني إتصال ...!!
الربع مجتمعين.... عندي... حياك...!!
(اوكي)
رحت لهم... وكانوا زملاء دراسة من أيام (الثانوية)
وسولفنا وضحكنا... لين قبل السحور رحت البيت...
وإلا الأهل جايبين .... صحن ( علية ذاك الجنب )..اللي يحبه قلبك...
ويقولون ... حياك ...لا يطوفك مشوي...
((وأتسحر معاهم... وأقعد لين اذان الفجر .... رحت صليت ..ورجعت...))
بروح العب بلي ستيشن... مع أخوي بكسر راسه ..
وإذا فاز علي بسكرها ..وأعاقبه....((لووووووووووول))....
يالله برب..!!
ولان الحبر خلص والالوان خلصت.... كان كلاكيت (9).... بلون واحد .....
))الأزرق((
دمتم لله أقرب..