بسم الله الرحمن الرحيم
:
أسعد الله أوقاتكم اخواني وأخواتي أعضاء وزوار
مجالس قبيلة العجمان الكرام بكل خير
:
أقدم لكم اليوم شيلة أعجبتني من كلمات الشاعر:
بدر الحويفي
:
وقام بإنشادها المبدع:
حامد الحلافي
:
أتمنى أن تروق لكم؛؛؛
:
أشوف بعض أصحابنـا ما يمـرون=وأنا الجفاء من صاحبي ما أستحقه
وعندي خبر عن غاية اللي يكنـون=شافوا بحالي من جفا الوقـت رقـة
وأنا من الهجران مانـي بممنـون=ما أجفا رفيقي لـو جفانـي معقـه
لو إنهم عن غاية القلـب يـدرون=مـروا عليّـه ما عليهـم مشـقـة
لكن مع الدنيـا وأهلهـا يميلـون=ويعطون راع المال من فوق حقـه
لو تنفع الدنيا نفع مـال قـارون=جاهه ومالـه ما عـدل وزن بقـه
والدايم اللي بقدرته كـوّن الكـون=وأرسى الجبال ومجرى الأنهار شقه
والآدمي ما هو عن النقص مضمون=يفنى ويفنـى المـال جلّـه ودقـه
عمر الفتى لو طال للحق مرهـون=لا يامـن الديـان بـابـه يطـقـه
أتلى العهد لا قالوا فـلان مدفـون=ولفوا عليه من أرخص الخام شقـه
ويقرأ الكتاب اللي به العبد مديـون=والكـل يحصـد ما بـذر واستحقـه
:
:
للتحميل اضغط هنا
:
تقبلوا تحياتي وتقديري
:
