حبيبي طالت الغيبة تعال ان كنت لي ناسـي
تعال وناظر جروحي من اسبابك برت حالي
***
حنين العشق يجذبني لشوفك يا بعـد ناسـي
ولانته ذاكـر حبـي خيالـك شاغـل بالـي
***
تعبت اقاسي ظروفي وغلب حظي على باسي
لعـل الله يفرجهـا ويبعـد كـل غربـالـي
***
حرام البعد يقتلنا وطال الصبر يـا القاسـي
متى بتحس في شخصٍ يفكر فيك يا الغالـي
***
متى وجدانك الميت يعانـق ذروة احساسـي
متى بك يا هوى بالـي تحقـق كـل آمالـي
***
على شانك كتمت السد ومنّك ضاقت انفاسي
خسارة للأسف ضاعت حقوق الحب عزالي
***
انا باصبر على الفرقى بقو العزم والباسـي
وعسى المولى يعدل ما بقى من وقتي التالي
لشاعر راشد القناص