يقول المحبة ويش ! لوغابوا الاحباب؟
اقول الجسد...من غير نبض وشعور وروح
يقول النهار يغيب! وش موقفك لا غاب؟
اقول ان رضيت اسكت ...يصير السكوت ...البوح
يقول الستر ...يقول الستر سمعة وذكر وفعل وثياب!
اقول المحب من الوله والسهر مفضوح!
يقول انت قايل بسافر يدون عتاب ؟!
اقول ايه!قبل اضيع في وجهك المملوح!
قبل ...تبدي الاعجاب وابادلك الاعجاب
قبل...تاخذ احساسي وقلبي عبث وتروح
قبل...بنفتح لك بين عوج الحنايا باب
ويبقى على طاريك طول العمر مفتوح
قبل ... لاتوهق فيك ياالصادق .... الكذاب
قبل...لا اتحطم منك يا المخطي ...المسموح
قبل ...لاتعلقني وترحل بدون اسباب
قبل...لاتعلمني اعد السنين جروح!
قبل...يتبعك وانت تمادى جفا وغياب:
قصيدي ودمع عيوني وصوتي المبحوح!
ياليت الومن يرجع واحسب لجفاك حساب
وعد...وا اتعلق فيك وانساك ...قبل تروح
_ محمد السهلي _