السلام عليكم ورحمة الله وبركاته ،،
(( شيخة الزين والذوق ))
يامرحبا ياشيخة الزين والذوق
..................يلي عليش القلب يبكي فراقه
في غيبتش متولجٍ حالي الشوق
..................وقطعت مع ذا الناس كل العلاقه
غبتي وقلبي من عنا البعد محروق
..................انا اشهد إن مالي على البعد طاقه
خلش معي والعمر ماهو بـ ملحوق
..................لاراح ماتنفع عليه الشفاقه
ولاتزعلش كلمة عذولٍ ومطفوق
..................مالي جمل في سالفتهم ولا ناقه
في ذمتي ماشاركش حب مخلوق
..................وسياج صدري صعب حيل اختراقه
مدامني لش دون ذا الخلق معشوق
..................وإنتي لـ قلبي منوته واشتياقه
ولش منزلٍ مابين ذا الرمش والموق
..................وماشوف في غيرش جمال ولباقه
ومنتي بعازة حلف وعهود ووثوق
..................يكفيش بـ إن شعري دخلتي نطاقه
طاريش لابده معا كل طاروق
..................واهديت لش من عذب الأشعار باقه
برفوق ياروحي على القلب برفوق
..................قلبٍ يبيش وطاري البعد عاقه
قلب الذي له نظرةٍ دايمٍ فوق
..................ومضريٍ في درب الاجواد ساقه
خلش معي ياشيخة الزين والذوق
..................قد قلت لش مالي على البعد طاقه
وهذي الشله .,.
رابط الحفظ .,.
آتمني تعجبكم .,. 
.