[محمد عايد العازمي]

السلام عليكم.. اخواني بعد غياب نرجع لكم بقصيدة للتواصل واتمنى انها تنال على اعجابكم اخوكم محمد عايد العازمي

يا صاحب المعرفة بينـي وبينـك علـوم = الخافية خافيـة والواضحـة واضحـة
السالفة كيف صارت بيـن ليلـة ويـوم = نومي على راس كوعي صاير البارحـة
وين العرب وينكم يـا طيبيـن السلـوم = شارون يدرس خرايـط خطـة ناجحـة
أحسن وسيلة جعلهـا للدفـاع الهجـوم = لو يعرف الثور عنتر مات ما ناطحـه
يركض ورا مصلحة نفسه كبير الرخوم = في مجلس الأمن صار الحكم من صالحه
ما هو بمنه الخطا من لابسيـن الهـدوم =الله يقطـع يمينـٍ قامـت تصافـحـه
شافت فلسطين من غدر اليهـود الهمـوم =فـي اول القبلتيـن كلابـهـم نابـحـه
زبالة المجتمـع تأخـذ خيـار القسـوم = روس الطواغيت تلعب سارحه مارحـه
عصابةٍ تزرع الفتنـة تطيـح وتقـوم = للسلم تدعي عبط ما هيب إلـه جانحـه
قضية الشرق الأوسط مثل وصف الحلوم = بعض القرارات مثـل وجههـا كالحـة
تدفع قبل تدخل الأقصى ضريبة رسـوم = إذا قلوب اليهـود السـود لـك سامحـة
ما ينفع العذر تقديمـه وحـب الخشـوم = إشلون ننسـى الشهيـد الـدره وذابحـه
بين الشوارع تموت أطفالنـا كـل يـوم = أبطالنـا بالحجـارة عجـزت تكافحـه
ترمي حجر والعدو يرمي شرار السموم = كم أسرةٍ شردت عن دارهـا نازحـه
ليا متى حرمت الإسـلام فيهـا نسـوم = ليه الحقيقة غدت في هالزمـن جارحـه
حنا هل الدين والتوحيـد نسـل القـروم = نعلم اللـي خطـا خطـاه ونصارحـه
هيهات يا اللي تحسبـن العوافـي تـدوم =الموت راعي الشداد المعتلـي طارحـه
ما فيه غير الجهاد أمر يـرد الخصـوم = دقوا طبـول المعـارك فكـوا النايحـه
اليا اجتمعنا عدو الله يصيـر امهـزوم= بولاية القايـد اللـي كلمتـه واضحـه
نقوم قومه رجل واحـد بوقـت اللـزوم = شعارنـا الله أكبـر رايـةٍ رابـحـه