الشوق يذبح صاحبه كل ليله .. = وانا خفوقي ساهر الليل يبغيك ..
ودى بوصله كيف اوصل واجيله .. = اسمع خفوقي كم يصرخ يناديك ..
عربون حبي واضحن ذا دليله .. = والعين تبغي شوفتك حيل تبكيك ..
ودي بوصلك بس مامن وسيله .. = واكبر طموحي كيف اجي لك واحاكيك ..
حبك بقلبي داخلي كبر نيله .. = عاشق طيوفك جعل ربي يخليك ..
ماغير دايم دمع عيني تسيله .. = لجل المحبه صاينك دون تشكيك ..
وانا وقلبي جرح حبك حصيله .. = ولليوم هذا باقين فيك شاريك ..
اما تجي عاشق حياته خليله .. = ولا ترد اللي سكن في محانيك ..!!