[مسعطر]

بسم الله الرحمن الرحيم ,,


السلام عليكم و رحمة الله وبركاته ,,


مدح في الشيخ : فيصل بن عبدالرحمن الدامر ,,

راكب اللّي لا نطحته او قفيته = بإختصار أقول ليت الجيب ذا لي
والله انّي كل مجلس فوق سيته = كن ( برج الفيصلية ) لي حلالي
جايني عطية ً ولا شريته = الوكاد ان سعر هذا الجيب غالي
و ( الرياض ) العاصمة لامن لفيته = جيت قصر ( الدامر ) اللي سَرَّ بالي
بيّض الله وجه ( فيصل ) يوم جيته = أشتكي من جور وقت ٍ ما صفا لي
شال حمل ً فوق متني ما قويته = و رحت منّه عن هموم الوقت سالي
مدته لي يوم جيته لا بكيته = شيك بـ /مية ألف ما ينقص ريالي
امدحه يوم امدحه فعله لقيته = و المدح في ( ابو فهد ) قبلي يقالي
و قصره اللّي في ( العليا ) ما نسيته = مدهل اللّي حدته سود اللّيالي
راح كل الهمَّ منّي يوم ريته = فيه شفت الشيخ شيَّال الثقالي
شيخ ساس , و شيخ جود , ولا خويته = عفت من خاويت قبله من رجالي
ما هقيت احصي فعوله ما هقيته = فعل ( فيصل ) مثل صدوق الخيالي
( فيصل الدامر ) لو انّي ما نصيته = والله ان ابطي و انا ما زان فالي
من ( بعيدين المغازي ) لا نخيته = شاش راس ( الدامري ) ماهو يمالي
كل علم الطيب يا ( فيصل ) خذيته = من جدود , و من عمام , و من خوالي
و ( ابن جفن ) خالك اللّي بان صيته= كاسب الطولات و فعوله جزالي
أمدحك و المدح في الطيّب هويته = و انت طيبك شيِف و المدح أستوالي

شعر : محمد بن بخيت ابن غليس الرزقي العجمي ,,
بقلم شاعرها ,,
و بطلبه تم نشرها ,,