أنا ما هقيت يسوى الوقت ما سواه = وخان الزمان وعادة الوقت خوانى
ويا حي من هذي دياره وذا مرباه = ذوارى هبوب النود من فوقها بانى
أنا يوم شفت البيت متهدم مبناه = تذكرت زول كان في البيت سكانى
أنادى عليه وساقي العين جارى ماه = وأنا عارف إنى لو تحريت ما جانى
ظلمنى الزمان الى جبرنى على فرقاه = صواديف بقعا شرها ما تعدانى
صدوف الزمان وطول صبر لحقت أقصاه = حدتنى على مبدا الطويله مسيانى
أنا قد بغيت اوقف الرجل عن مبداه = ولكن شفت الموت مازيد خلانى
الى جيت عد ٍقد نزل ماه ولا جاه = تسابق دموعي واظهرت خافي احزانى
أنا كيف أبدله واطمع في خاطرى أنساه = وأنا كل ما مريت مدهاله ابكانى
الا جات به الاخبار والا احدٍ اطراه = ما عاد اتسمع صوت من زيد حاكانى
أعيش بخياله واتنادم مع ذكراه = ويدوى بي الهوجاس في عالم ثانى
يغيم سماى الا تواجهت انا وياه = وحتى الحكي ماعاد ينطق به لساااانى
قضى العمر كله عادنى في رجا لاماه = وطال الرجا والياس قام يتحدانى
هو الى تتوق النفس لمشاهده وحكاه = ولا جا بقلبى عنه سجة ونسيانى
يا حبي لـ ذا القصيده وبس ! ![Frown](http://www.alajman.ws/vb/images/smilies/frown.gif)
جعله فـ الجنه ابن نوطان / وتسلم على النقل
وعز الله انك ابدعت ![Smile](http://www.alajman.ws/vb/images/smilies/smile.gif)
كل التقدير ![a36](http://www.alajman.ws/upctr/files/a36.gif)