جتني تبارك في زواجي وتهني
والدمعه من عينها ياحمد سالت
وصوتها المبحوح صوبي قام يوني
ومدري ليه يوم سلمت يدها مالت
قالت مبارك عليك وجيتك اهني
عساك اتهنا باللي نفسك فيه نالت
كم وحده فيك حاشها التمني
لكن المكتوب كلمه قد انقالت
فاضت ادموعي يوم البنات جني
وقالو الزينه على بيت فلان شالت
رحت اطالعها والحزن والهم سكني
مدري شعبر لي سالتني وحده وقالت
عشت اليل فيه الهواجيس يمك خذني
وذكرني بايامنا الحلوة .. الي رجعتها استحالت
واللي جرا بينا مكتوم ..وهذا عهد مني
ارقد وامن..وعشرتك بالقلب لازالت
باركت وراحت وحس قلبها قام يوني
سمع اذني بشهقته يوم شعرها شالت
لشاعر
فلاح عشوي العنزي