[عاليه الاخلاق]

**

أسعد الله أوقآتكم بكل خير

أبيآت رآقت لي فأحببت أن تتمتعو بِحكمة معنآهآ ..
المصفّآه من العيش بهآلزمن ,

يامكثريـن الهـرج لااسمـع ولااجـيـب=تريحـوا مـن فضلـكـم واسمـحـوا لــي
تـريـحــوا لاتـلـحـقـون الـمـشـاهـيـب=علـى الـردى مانـي شفـوق عجـولـي
بالعقـل والصبـر ادب النفـس تـاديـب=والا لـهــا مـــده تـصــول وتـجـولــي
خلـج تــرازم فــي سـيـاج المحـاديـب=مافـيـهـن الـلــي بالـعـقـال مـعـقـولـي
اشـد وطيـة زور مــن شـمـخ النـيـب=اليـا ضـاع مفعـو ل الحيـل والحلولـي
انــا لاقـلـت ارتــب الـقــول تـرتـيـب=حـتـى يـجـي كــي عـلـى فــك قـولــي
اليا ارسلـت لافكـار القريحـه مناديـب=ترايعـن مــن عـقـب مـاهـن جفـولـي
لـكـن مـالـي مــن وراهـــا مكـاسـيـب=لـو كـان عشـاق القشـر صفقـوا لــي
مامستـفـيـد الا الــعــدو والاجـانـيــب=ولانــي مطـيـع مقرقـعـيـن الطـبـولـي
خليتها تعطـي فجـوج مجاديـب جـرب=اتــجــود فــــي رسـنـهــا مـهـبـولــي
والله لااجـنـب دام لــي درب تجـنـيـب=مـن شرهـة حشـام الرفـاقـه خجـولـي
لــو انـهـا بـيــن الـنـحـر والتـلابـيـب=مـن الحيـا وجهـي مـهـوب مغسـولـي
طـبـع لـنــا نـشــب عـلـيـه ونـشـيـب=وطـبــيــعــةٍ لـعــلــهــا مــاتــزولـــي
عـلـى الجمـاعـه للجمـاعـه مواجـيـب=الا جهـلـوا قــدر الـرفـيـق الهـتـولـي
مانـي علـى ربعـي قـريـب محاضـيـب=ادنـــاة مايخلـيـنـي اســـرج خـيـولـي
ان جات من طيب شقاها على الطيـب=لـو انهـا اعـوج مــن رقـبـة الذلـولـي
وان جات من مسكين منطق واساليب=حطيـتـهـا بـيــن الـثــرى والنـعـولـي
لاحـركـت شـعـره ولاطـلـعـت شـيــب=ولاضيقـت صــدري ولاطــق جـولـي
وان كان في صبري على ميلهم عيب=العـيـب تفتـيـش الـصـرر والحثـولـي
لاقمـت تـذكـر فــي رفيـقـك عـذاريـب=وتـبـيـن عـيـوبـه لــذولــي وذولــــي
صبـرك علـى ربعـك عـلاج وتطابيـب=يـقـصـر حـبــال السـالـفـه لاتـطـولـي
حتـى مايلـقـا فــي طرفـهـا مقاضـيـب=كـــراه خــيــر وللـمـشـاكـل مـيـولــي
والـيـا بلـيـت بتـايـه شــره وصعـيـب=يقـول انـا الـعـراف وانــت الجهـولـي
قــــل الله الله يـاحـصــان الاطـالــيــب=يالـفـاهـم الـعـالـم عـطـيـب الفـعـولـي
هـذا الكـلام اللـي مافـي صحتـه ريـب=لانـيــب لاحـولــك ولانـتــاب حـولــي
حصـان وبـن حصـان طيـب مجاذيـب=وبالمـعـرفـه رجـــل مـحـلـي ودولـــي
خلـه يـروح يخطـي الـدرب ويصـيـب=يـقـول مابالـنـاس عـرضـي وطـولــي
والفـرق مـاهـو باللـحـى والاشانـيـب=الفـرق بـيـن الـنـاس فــرق العقـولـي
كـم واحـد تحسـن بـه الظـن ويخـيـب=الـسـن يـضـحـك والـفــواد معـلـولـي
واللـي غـدت بـه كلمـة مالـهـا غـيـب=ماهو من اطيب ربعي اللـي غـود لـي
يالله عساهـا صيـحـة فــي قـفـا ذيــب=وقـلـع النـيـا بيـنـي وبـيـنـه يـحـولـي
الرجل مايغصب على الطيب تغصيـب=اليـا صـار ماهـو دل ضـمـن الدلـولـي
ومن عادة اللي طيبـه يحضـر ويغيـب=لاطـالــت الـرفـقـة زهـــوق مـلـولــي
والـيـا بلـنـك غـبـر الايــام بصحـيـب=فـي مستـوى طيبـه صعـود ونـزولـي
اعرف ترى الدنيـا دروس وتجاريـب=والـكـامــل الله والـنــقــا لـلـرسـولــي
لاتصـيـر مـشـذاب يـقـص العراقـيـب=خــلــه وراع الاولــــه وش يـقـولــي
اخـذت حكـمـه مــن كــلام اللواعـيـب=للطـيـب نـــاس ولـلـعـذارى فـحـولـي