الحب لأجلها ..!
والوفاء لأجلها ..!
والشعر كذلك ...
.
.
.
السعيد اللي يعيش الوقت مايشكي مصابه
. . . . . . والتعيس اللي ملامح ضحكته وقته سلبها
الصبر جسر الاماني والهوى كلن شقابه
. . . . . . وكل عاشق تضحياته فالمحبه يحتسبها
هذا انا لاجيت اسولف للحمامه عن غيابه
. . . . . . تسجع بصوت حزين وتغرق عيوني هدبها
عاشقٍ من طعنة ظروفه سرا ينقل صوابه
. . . . . . ما درى وين الطريق ومجمل همومه تعبها
كم سؤالٍ مات في صدره ولآ عزا جوابه
. . . . . . ونار قلبه كل ما تطفي من ضلوعه حطبها
يسئله نور القمر في كل ليله عن عذابه؟
. . . . . . عن ضياعه عن جروحه عن دموعه وش سببها؟
لو غفت عين السعاده/ ماغفت عين الكآبه
. . . . . . شمس عمره مشرقه لكن له حظن حجبها
في هجيره تشتكي رحلة ايابه عن ذهابه
. . . . . . وفي دروبه تشتكي خطواته اللي ماحسبها
يستبيح الشوق قلبه وأن بدابه ما انتهى به
. . . . . . مل من طول الغياب ومل احاسيس كتبها
يستعيد الذكريات الماضيه شعر وكتابه
. . . . . . والسنين تدور والأحلام تلحقنا عتبها !!
.
.
.
حتى أنا لأجلها ..
.
.