رادارات المرور الجديدة في الرياض, صور سرية !!
رادارات المرور الجديدة في الرياض, صور سرية !!
ايميلات - كنت على طريق الإمام محمد بن سعود ( امتداد مخرج 9 ) بعد تقاطعه مع مخرج الملك عبدالعزيز ولاحظت على جانب الطريق باص تويوتا 15 راكب أبيض متعطل مولع الفليشر وفاتح الباب الخلفي , نظرت له نظرة أخيرة و اكتشفت انه مركب قطعه كبيرة يالله يالله لمحتها أثاريها رادار !!!
طبعا تفاجأت وانقهرت على الحركة الجديدة من المرور يعني ماخذين ماخذين قسايم ؟
ولا المشكلة تتدبل بعد شهر بعد !!
كملت طريقي و أنا منقهر بعد مخرج أبو بكر لقيت باص ثاني ونفس الطريقة موقف ومولع فلشر !! وهات ياقسايم والعالم طاااااااايره !!
هل تعلم أن
التوفير في الوقت عند ما تسير بالسيارة بسرعة
160
بدل 120 كم ساعة 12
دقيقة فقط
التوفير في الوقت عند ما تسير بالسيارة بسرعة
180 بدل 120 كم ساعة
16 دقيقة فقط
التوفير في الوقت عند ما تسير بالسيارة بسرعة
200 بدل 120 كم ساعة
20 دقيقة فقط
المشلكة السرعة الرسمية 70 و لا واحد ماشي 70 يعني الكل قسااااايم !!
انقهرت زود الصراحة وقلت وأنا راجع بإذن الله بأديور وأوقف عند وحدة منها وأصورها لكم ..
كملت طريقي وبعد مخرج عثمان وعند جامعة نورة لقيت وحدة ثالثة واقفة !!!!
قلت جابها الله والله و أوقف و أصورها لكم ..
وهذه الصور بالتعليق :
صورة أخرى للكاميرة والرادار :
هذه اللي عند جامعة الأميرة نورة بعد ماديورت والله ولافي أمل تشك فيها :
وهذه اللي بعد تقاطع أبو بكر , مسكين خربان عليه الموتر ومولع فليشر !!
وهذه اللي بعد الملك عبدالعزيز :
تم إضافته يوم الأحد 17/01/2010 م - الموافق 2-2-1431 هـ الساعة 10:07 صباحاً