هقوتي انها لسداح ,,
مير انها زينه
قول بسم الله وقول اللّي تودّه ** لا تجاذبنا الحديث الإرتجالي
الكلام اللي بنيته 00 لا تهدّه ** إسفهلّ وهِلّ علمك لا تبالي
ما بدا لك يا رهيف الحسّ بدّه ** وسّع الله خاطرك لا ضاق بالي
سمّ وإسلم والمسامع مستعدّه ** ما تخلّي من صدى صوتك توالي
هات لي ما طاب من روعك وهدّه ** لا تضيع السالفة ما قلتها لي
البساط الأحمدي مِدّه وأشدّه ** واستريح 00 وفلّها يا همّلالي
صاحبي لا ترخي الوصل وتشدّه ** كيف ترخصني وأنا لا زلت غالي
وأنت وحدك فـ الضلوع المجرهدّه ** همت بين الضلع الأقصى والموالي
لا تعلّقني على حبل المودّه ** ما تعوّدت التعلّق فـ الحبالي
لو نظر عينك على حالي تلدّه ** كان قبل تشوف حالك شفت حالي
العلاقة باردة من قبل مدّه ** حمّها يا سيّد الحبّ المثالي
يوم كنّا نسرد الشوق ونعدّه ** سالفة علياء وأبو زيد الهلالي
إستبدّوا والمحبّة مستبدّه ** وعذّبت بنت الحلال إبن الحلالي
يخلف الله كدّ من قلبه يكدّه ** مع سمو الحبّ وأحباب المعالي
حدّني سيف الفراق اللّي تحدّه ** يا مكافي شرّك وشرّ القتالي
كان تبغى الخاتمة صدّه بـ صدّه ** لا تعاتبني على كثر إنفعالي
ولا تنادي في مكاني من يسدّه ** الجروح استنسخوني لك بدالي
لكن إصبر للعلوم المستجدّه ** بعد ما حمّلتني فوق إحتمالي
لين أفكّ قيود قلبي واستردّه ** وكل واحد يفلح ما لك وما لي
ودي بقصيدة ماقد سمعتها للأمبراطور ولد منصور ابن ملهّي