ما يحس الجرح لاخثّر الدم فـي الوريـد = غير منهـو لا هـرج ياتقاطـر مدمعـه
ان لبست الي همد وان لبست اللي جديـد = ون سكنت القاهره وان سكنـت المجمعـه
ما يحسسني وجودي بهـا فرحـه وعيـد = ولاتسلي خاطراً ضاق مـدري وش معـه
كل ماحركت طرف الحزن جرحه يزيـد = خاطرالمكسور مـا كـل نظـرة تقنعـه
لوهموم القلـب يشتالهـا صلـب الحديـد = مابني بـه جسـر ولاجـدار وصومعـه
الله اكبر ياعنا الـروح والشـوف المديـد = اختلف شوفي به الواحد ابصـره اربعـه
ياحبيبـي بالعـذر لاتـزيـد ولاتعـيـد = في كلاماً قـدرك إن نزلـه مـا يرفعـه
لاتقدم لي على الذنـب عـذراً مـا يفيـد = وعتقـد ماكـل غلطـان عـذره ينفعـه
ماعد اقبح من سواياك يالوجـة الشريـد = غير عـذراً مـا يجملـك منـا نسمعـه
بعـد ماشمّتنـي مالقـريـب ومالبعـيـد = جيت توصفنـي روايـه لخبـلاً وأمعـه
لاوربي ماتعـدي وانـا شـوري سديـد = دربك الي جيت في جرتـه عـود معـه
والغـلا والـود مايحتمـل عنـداً وكيـد = ويش ابي بالكيد وانا مـن الله فـي سعـه
ماغبنّي غير صدقـي لعهـدك والوعيـد = والكلام اللـي شبابـي وعمـري ضيعـه
كنت تامرنـي وتطلـب وتاخـذ ماتريـد = لكن اللي مثلـك الطيـب عيـا يصنعـه
نيتك شينه وراسك علـى الشينـه عنيـد = مير تدري جاك علمـي خـذه ولا اقلعـه
حبنـا جمـراً تولّـع نهايتـه الرمـيـد = سق خطاك وسيرفي البر والبحر اشرعـه
والله أني ماعد انصاك لـو ابقـا وحيـد = ون عصاني القلب من بين الاضلاع انزعه
