ياحكيم الغرام اشكي لـك الحـال كلـه = بين عرق الغلا والموت سلـك ٍ دقاقـي
خايف ان الزمـن يبـرم عليـه ويتلـه = ثم يموت الوصل من تحت سيف الفراقي
مزنة الشوق مثل الموق جت مستهلـه = امتلـن المحاجـر وامتلـن السواقـي
في ضميري من الايـام تسعيـن علـه = كلبوها دواهـا رهـن وقـت التلاقـي
كم تعنّيت حتـى انـي وصلـت لمحلـه = لو ماحّركت فوق الارض بالفعل ساقـي
كنه يتلنـي مـع كـل هاجـوس تلـه = تل ميّاح عقب انه علـى البيـر واقـي
صاحب ٍ يرمي من احزاني بـكل سلـه = لين بيني وبين الفـرح صـار اتفاقـي
كيف املّه شقيق الروح انا كيف املّه؟؟ = لو تغيّب ثوانـي هـل غيـم اشتياقـي
لو مع القلب حيله قلـت ليـت ولعلـه = له جناح يتعلـق فـي جنـاح البراقـي
مسلكه للغـلا حسـب النجـوم المطلـه = وبينه وبيـن دورات الدقايـق سباقـي
صاحبي لاجل عينه والرموش المظلـه = قلـت يفـداه كلـي مالـكلـي بواقـي
ياحكيـم الغـرام العلـم دقـه وجـلـه = وش يصبرّ عروقي لين يـوم العناقـي؟