بسم الله الرحمن الرحيم
:
هذه قصيدة للشاعر / ناصر بن تيسان آل رزق
:
بديت الطـــويل النايـــف العـــالي المنــزاح =وذبة طــــويل الرجم* تثر1 على روحــي
ومن مرقبـــي ونيـــت ونــــة حمـــام نـــاح =ولا سرني كثــر التوجـــاد والنـوحــي
تعذبـت والهــاجوس له في الضـمير مــراح =ونوم الليالي جاء على العين مشحوحي
ودمعي على الوجنات من حجر عيني طـاح =على شان شي ما معي منه مصـلوحـي
ولا جيت بانهــي القلـب والعيــن لا تشتــاح =تذكــرت أنا لذة هـوى كل مملــوحـــي
تذكــرت أنا شــربة كــرع صـــافي قـــراح =ومشروبها يبري عطــش كل ملحوحـي
عينـــت أنا لبـعـــاد لاهــل الهـــواء ذبــــاح =وعينت معطــي سـده الناس مفضوحــي
وعينـت راعـي الحــب يا ناس ما يــرتــاح =وقلبــه مــع ذولا وذولاك مـشـفــوحـــي
و أنا لي حبيـب صــاب قلبي بــزرق رمـاح =تراه السبب لي صرت يا ناس مذبوحــي
تعارفـت أنا ويـاه عــاد القلــوب صـحــاح =وعطيته على طرق الهوى كل مصحوحي
ولا يدخــل الغـبــه ســوى واحــد سبــاح =تـرى الغـر يزمـي دونه المـوج ويروحــي
ترى من دهل عوج الطرق ثم بغا السماح =يخلـى علـى سبـل الطـريقيـن مطـروحــي
ويا كم طفــر هاجــوس قلبـي ويا كم فاح =وكــم ونــه ونيــتــها وأنت ما تـــوحــي
يا زيــن لــي قلبــك لعــوب فأنا مــزاح =ولــي فيــك كينــان فأنا فينــي جــروحــي
تـرى ســدنا معكــم فخافــو عليــه يبــاح =وتــرى ســدكــم معــنا ولا هــو بمبيوحـي
فرد الخبـر لي جيـت يطـري لك المراح =و أنا لابـغيـت أروح فالــدرب مفـتــوحــي
ويا زين لي حـل المفــارق فأنا سمــاح = وعنــد الوداع اسمـــح لنـا و أنت مســمـــوحــــي