ليا ذكرت العام واللي ورى العـام
......... واللي مضى من عامي وذكرياتي
ناديت في صوتٍ حزيـن بتنهّـام
......... ووأوصلتها للعين يا عين هاتـي
وانهلت الدمعه مثل دمع الايتـام
......... اللي بكوا مـن هيبـة العاتياتـي
وأصبحت أعيد أيام وايام وايـام
......... رحلة عمر طافت كذا من حياتـي
صحيح أنا مسلم مصلي وصـوام
......... لكن في بعض السواليف احاتـي
أحاتي التقصير في بعض الاحكام
......... وأخاف لا تقبل وراهـا صلاتـي
يدق في صدري مواويل وأوهـام
......... تتلف عليّ اعصابـي الباقياتـي
وارجع واناج اللي بالاوضاع علام
......... المطلـع بأمـورنـا الخافيـاتـي
يارب تغفر لـي ذنـوب والأثـام
......... قـدام لا تكتـب علـي المماتـي
.
.
.
اللهـم آميــن ..