اليكم مع التحيه واعتذر عن الغياب يامطاليق
ياهاجسـي منـي سـلام وتحيـه=تحيـة لـك يازعيـم المشـاعـر
علمتنـي نظـم البيـوت النقيـه=حطيتني في نظم الاشعار شاعـر
مادام قيفانك مـع الـروح حيـه=فبشـر برجـل للمهمـات قـادر
الهاجس اللي لا نـوى لـه بنيـه=انا شويـره فـي جميـع المنابـر
انا علـى خوتـه كبـدي لظيـه=ياتي بهـا ونـا علـي المصـادر
اصخر القيفـان صبـح وعشيـه=ونخاه لاصعبـت علـي المعابـر
يسوقها لي مثـل سـوق المطيـه=وانا اتقبلهـا مـع طيـب خاطـر
مثل الوزير اللـي يشـره خويـه=مداتـه الجـزلات مـادام ذاخـر
خـوي درب ودلـتـه شاذلـيـه=على الغضا واهج سناها تساعـر
لما زهمته هـاج مـن مقصويـه=مثل الحصان اللي على الكر صابر
ولا كما الشيهـان بـرض خليـه=لاشاف صيده في البراري مهاجر
وارثه من جـدي سهـام المنيـه=هو عزوتي في يوم نزع الخناجـر
جدي ابن جمـه عزومـه قويـه=اعداه مـن وقعـه دماهـا تناثـر
زعيـم قـوم ولابتـه حنظلـيـه=من صلب يام اهل القنا والمفاخـر
اللي لهم بالوقـت بصمـه وفيـه=وجبانهـم يذبـح لمنـه تقاصـر
للجـار عـز وللعـدو صيرميـه=يشهد لها التاريـخ بـول وباخـر
اهل الوفا والعـز واهـل الحميـه=دستورها بالشرع قـرآن طاهـر
في ظـل دولتنـا نـدرب سريـه=جنوبها محروس من كـل غـادر
قـد قالهـا مليكنـا فـي مجيـه=يوم انه جا نجران والوضع زاهر
قـال انتـوا ادروع قويـه شليـه=يام العريضه للعدو سيـف قاهـر
عاشت بلادي شامخـه ومحميـه=بآل السعود اللي على الحكم تامـر