السلام عليكم جميعا اخواني عضاء المنتدى الكريم.... اضع بين اياديكم قصيدتي المتواضعه واتمنى ان تنال على رضائكم الكريم...
عافك الخاطر ياليتك تبعد وتنسى الغرام=ما أبي أخدع شعورك وأرجع أندم لا جرحتك
وافي بطبعي وأنا طبعي ورثته من كرام=ما خلفت الوعد مره في حياتي ولا خدعتك
سود الله وجه من عدك بشر بين الأنام=ما كسب عليا وأنا غلطان يوم أني تبعتك
حسبي الله كان ترميني ياحظي عالخمام=مالقيت إمن الضحايا غير أنا وفرغت كبتك
تدري أني من شروق الشمس لي عز الظلام=أحلم بقربك ولا حتى في حلمي قد سفهتك
تدري أني أحلم بثغرك يداعبه الكلام=وأشفق لصوتك وسمعك وأنت تتلذذ بصمتك
مبرد أحساسك وروحك كيف كنت تقدر تنام؟؟=يعني حتى في منامك ما حصل مره وزرتك؟؟
يعني ما همك شتاتي وما جرالي من حطام؟؟=وأنت تعرف عن حياتي وش حياتي لا فقدتك؟؟
المصيبه كنت تخطي وأعذرك وأنت ملام=وأرجع أزعل منها نفسي كيف عاتبتك ولمتك
يا حسافة عمري والله راحت أحلامي عدام=ليتها ترجع سنيني والليالي اللي عشقتك
ليت ما للحلم واقع يسقي طعم الأنهزام=وليت ما للحلم صوره في خيالي وما رسمتك
كل صافع ينسى والمصفوع ما ينسى الآآلام=وإن نسى المصفوع جرحه أعرف أني قد ظلمتك
والله أدري ما تهون إلا على عيال الحرام=بس أنا أبغيك تدري أني مخطي لو حشمتك
أترك الخافي في صدري أتركه خله ينام=لا تشب النار فيني ثم تسأل ليه حرقتك
مقتنع والله بحظي وخابره ما مرا قام=والدليل أني مغفل توني هالحين أكتشفتك
أطلب الله يعظم أجرك ما بقى غير الركام=لا تدور حب عندي بعد ما بعتك وعفتك
بعد ما هانت في عينك عشرتي تبدي السلام؟؟=لا هلا بطيفك وزولك ويلعنه يومن عرفتك
سلامتـــــــــــكم