سلام .. ومرحبا .. وان قلتها له من صميم الذات = تموت الناس عقبي لا حدٍ رحّـب .. ولا سلّـم
أحبّك .. كلمةٍ حاولت أترجمها ولاترجمت : = شعورٍ تزدحم فيه الضلوع ويعقد إلساني .!
بكره إلا هملوك النـاس تذكرنـي = وتقول عزاه عينـي مـن يداريهـا
مدام غيري على قلبك مشاركني ؟ = وش هوله أعلق الأمال وأبنيهـا .!
يكفيني أنك رحلت ومنت عايفني .. = هذا عزاآ النفس من كثرة بلاويهـاا
الحب مثل الغيم في حاجة البـرق = والشوق عامل مشترك بين الاثنيـن
تضمن صلاح الحال .. وتبيّن الفرق = في رعشة الخافق .. وفي لهفة العين
فمـان الله ., لومـاودّي أرسلّـه ., فـمـان الله" = "تراجف روس أصابع كفّي إن جيت أرسل إرساله
قبل لاأفارقه .؟ بسمع سواليفـه , وزيـن إحكـاه" = "بعدْهـا لويبـي يغتـال زول الحـبّ .؟ يغتالـه
3: بعد الخيانة انتهت رغبتي فيك.. و إن كنت تذكرناترانا نسيناك
(( وش إحساسك لما يوصلك هذا البيت على جوالك وشراح ترد ))
بضحك واقول .. من بغا الفرقا لقاله ..عذر ..واسباب.. ودليل .. !!
4: لك وحشه ماهي لغيرك من الناس .. انت اللي .. بس .. اقدر اسميك غالي...!!
نبي تحط لنا رد على هذا البيت.. في بيت من اختيارك
وشلـون تسمعــني وأنـا [[ ماتكلّمــت ]] ؟؟ !!
بالله قـل لـي كيـف تسمــع [[ عيـونــي ]] ؟؟ !!
5: من هوفنانك المفضل ؟ اكتب لنا أبيات من أغنيه له وتكون محببة إلى قلبك والقريبة من إحساسك؟
ما اسمع كثير أغاني بس لو بختار المفضل محمد عبده وخالد عبد الرحمن راشد الماجد والجميل / الوسمي < كل ذولا ولا اسمع كثير 
واختار لخالد ..ياصاحبي |
ياصاحبي مافادنا كثر الاحلام واللي بخاطرنا عجزنا نطله
ماتت امانينا على كف الايام والقدر فارض علينا ميوله
نمشي ورا والوقت يمشي لقدام ضعنا وضيعنا كلامٍ نقوله
تعبيرنا ماضمته روس الاقلام تكسرت كل الحروف بسهوله
....الي آخر الاغنيه ....
6: من أشعار شاعرك المفضل ؟ قريبه إلى قلبك وإحساسك؟
هم كثير .. بس بختار لـ سعود بن مهدي
صحيح ! ( حنا انتهينا ) .. |
الصـوره اللـي ( بجوالـي ) تعذبـنـي = ياكثـر ماجيـت ابمسحهـا ! واخليـهـا
ياللي جفيت وجفـاك المـر .. ذابحنـي = عقبك وجيـه البشـر .. مانـي بدانيهـا
من يوم حبك .. غزى القلـب وتملكنـي = قطعـت كـل العـلاقـات وطواريـهـا
اقـرى رسايلـك ودموعـي تسابقـنـي = وارد ! واقرى الرسايل .. واحتفظ فيهـا
انت آخر انسـان هاقـي منـه يصدمنـي = والظاهـر ان هقوتـي بانـت مواريـهـا
لـو الوصايـا ليـا احتديـت ! تنفعنـي = ياكثـر نـاس ٍ علـى ذودي بوصيـهـا
ليت الفـرح ( بنـك ) لاجيتـه يسلفنـي = واقاصده ( راحتـي ) وحقوقـه اوفيهـا
من كثر ماكنـت ! جارحنـي وظالمنـي = قمت اعزل جروحـك بقلبـي واسميهـا
تـدري وش اللـي يبكينـي ويضحكنـي = انـك محـامـي قضيتـنـا وقاضيـهـا
تدري متاك ؟ تعـرف قـدري وتفقدنـي = لارخصت نفسك ,, لشخص ٍ مايراعيهـا
بكـره الا هملـوك الـنـاس تذكـرنـي = وتقول عـزاه : عينـي مـن يداريهـا ؟
مدام غيـري ؟ علـى قلبـك مشاركنـي = وش هـو لـه ؟ اعلـق الأمـال وابنيهـا
يكفينـي انـك رحلـت ومنـت عايفنـي = هذا عـزا النفـس مـن كثـرة بلاويهـا
اهديتك : دمـوع مـن طعنتـك تحرقنـي = وانـت اللـي تستاهـل الدنيـا ومافيهـا
واهديتني جرح .. موجعني ؟ وعاجبني ؟ = لــن الهـدايـا عـلـى مقدارمهديـهـا
صحيح ! ( حنا انتهينا ) .. بس صدقني !! = والله ان تبقى ( هوى روحـي ) وغاليهـا
مفضوح ؟ راع الهيام .. ونظرته !! تغني = ملامحه واضحه ! , في وجهـه راعيهـا
لكـل داء ٍ دوا .. لـو هــو متعبـنـي =إلا محبتـك ؟ .. أعيـت مـن يداويـهـا
ان قلـت : علمنـي انسـى ؟ لاتعلمنـي =دنيـاي لامـن نسيتـك ويــش تاليـهـا
فارقتنـي وضحكتـك عيـت تفارقـنـي = والله يلعـن ابــو الفـرقـا وطاريـهـا
مقدر !! أفكر بغيرك ؟ .. وانت عارفنـي = عشان حاجه ؟ بقلبي .. مقدر !! أخفيهـا
اخاف لاحبنـي غيـرك ؟ .. وعاشرنـي = يشوف صورتـك فـي عينـي ويوحيهـا
نشدت عنك ؟ وسمعـت اللـي يفرحنـي = وارتاح صـدري مـن همـوم ٍ يحاتيهـا
تبي تعرف ! وش ؟ على الفرقا مصبرني = انـك بخيـر .. وحياتـك مهتنـي فيهـا
مـن يـوم ماغبـت ! والوحـده تعذبنـي = اقرى ( رسايلك ) في حرقـه والاحيهـا
اشوف ( صورتك ) .. ودموعي تسابقني = وياكثـر ماجيـت أبمسحهـا ؟ وأخليهـا
ولـ / فهيد بن عصيدان
لادحدرت .. مانيب نشّاد عنها .!
|
لو انّ دمعي مايعنّز على العيـن .؟ = ماكان من عين الشّماتـه زبنهـا
متجلويٍ فيها له شْهـور وسْنيـن = طلاّبه الشمّـات , والعيـن تنهـى
والبارحه .. ماهيب دمعه وثنتيـن = سيّلـت دمعاتـي وردّت وطنـهـا
سالت على الخدين والناس لاهيـن = في غفلة اللي يطلب الحقّ منهـا .!
فكّيتها ممّا سجنهـا ., لهـا حيـن = لعلّهـا تفتـكّ ., ممّـا سجنـهـا
وجدّدتْ في صدري قديم العناويـن = وأضلاعي اتبدّل محنهـا .. محنهـا
معْ كلّ تنهيته بالاضلاع .. همّيـن: = همٍ طلع منهـا .. وهـمٍ سكنهـا
تحفر وتدفن في ثرى الذاكره ليـن = اللّـي دفنهـا لاحفرهـا دفنـهـا
ماغير اعسْف النفس وتْهيد وتْليـن = ولاسْرجتها عيّت تطـاوع رسنهـا
قلبٍ مع الدنيا .. وعقلٍ مع الديـن = وراعيه .؟ لاهاذي ولاذي ضمنْها .!
أدرج طموحاتي من ايسار وايميـن = وأحلب من أحلامي ولاشْرب لبنهـا
ذي عادت الايام لازانت .. اتشيـن = تغْبن وربّي ماخلـق مـن غبنهـا
والدمعه اللّي شفّها محجر العين .؟ = لادحدرت .. مانيب نشّاد عنهـا .!
7: نبي إحساسك باللحظة هذه توصفه لنا بأبيات؟
دخلت جو... وروووووقت للآخر مع بن عصيدان ودي انقل كل قصايده ..
واقراها بيت بيت
ولا عندي ابيات لـ هالاحساس
8: الطيب أساسك و الفخر للي يماشيك ، و الذوق شخصك، و يا سعد من هو يخاويك
(إحساسك لما يوصلك هالبيت عن طريق مسج )
9:انت إنسان حساس ؟ أوصف لنا مدى حساسيتك؟
واللي ماعنده احساس كيف يوصفه ..؟!!  |
11وش أكثر إحساس تحسه بأيامك ؟ مع أبيات معبره لهذاالإحساس ؟
بـ الشووق .. |
اشفق على كل كلمه منك .. وابيهـا = واحرص عليها .. وافرّشهـا والحّفهـا
والا [المحبه] .. لك من اسمى معانيهـا = ما يلجم لسان .. من حاول .. يوصّفها
وان كانك مشكّك اني .. رايحٍ فيهـا = فرّق جميع الضلوع .. ووايق .. وشفها!
: 12 وبعد نهاية الاسئله شنوإحساسك ألحين؟
ابي لبيك بسالفه  < مجهزه الشوزن بترميه
واختاار ..
شاعرنا / عايض الوقدان  .. |
موفق خيوو |