في البداية/بسم الله الرحمن الرحيم و أشكر أختي : نية فراق في الورطه الحلوه<<<<ألي بيبتلش وهو ما خلص من كتابتها و ألي أختارتني وأقول الله يقدرني على الأجوبه عرفنا عن نفسك إنسان ما يزعل ولله الحمد <<<<يعني صدره وسيع يعني مرح بلهجتنا اللقب/ لبيك عمر إحساسك/ حول23 هوايتك/المقناص والسفر 1: اكتب لنا تعريف للإحساس؟ هو شعور يدرك الإنسان في لحظات ومناسبات مثل الفرح والحزن<<<<سؤال صعب جداً 2: أبيات ترحيب[/ من اختيارك أو كتاباتك .. ؟ يا مرحبا ترحيبة البدو لسهيل =واعداد ما هبت سحايب مطرها يا مرحبا يا ريحه الورد والهيل =لا هبت النسمة وتطاير عطرها 3:أبيات حب؟ هزّي غصون الحبّ واتساقط شعور=وشبّي فتيل الشوق واتفجّـر قصيـد ومرّي على جمري وانا اتطاير بخور=و ذوبي على صدري وانا اذوّب جليد ونادي وانا اجيلك مع اسراب الطيور=وغنّي وانا اعزف قلبي بريشة فريد وميلي وانا ازرع فالسما باقة زهور=و مدّي يدك واحرّر بفكـري عبيـد اهمّ شـيّ قلوبنـا اللـي بالصـدور=في كل يوم تعيش فـي جـوٍّ جديـد 4:أبيات عتاب؟ في وصالك عتاب وفي كلامك عتاب =( قلب ) مغليك ، يا مغليه .. متثاقلك غيب وش مانعك تمشي بدرب الغياب !=ودي اقول لك عن جد ( مشتاق لك ) 5:أبيات شوق؟ حبايـبـنـا وش الـدنـيـا بـلاكــم=ملاه الشوق قلب ٍ ما سلاكم يضيق به الفضا بعض الليالي=إلـــى دور نـديــم ولا لـقـاكـم حبايبنـا تـرى الفرقـا صعيـبـه=على مثلـي مولـع فـي هواكـم حبايبـنـا إلــى يــوم أجتمعـتـو=ومر الذكـر فـي سيـرة لقاكـم فــلا تقـولـون يمكـنـه نـسـانـا=حرام الظن ف اللي ما نساكم ترى يمكني أذكركم و أغني=ملاه الشوق قلب ما سلاكـم أبيات وداع؟ انـا بدونـك ناظـر ٍ مـالـه اهــداب=اشـوف ..لكـن مااكتمـلـت بسببـهـا ايـه اتنفّـس بـس ..ماعنـدي احبـاب=شف عاد حـال العيـن لـولا هدبهـا !! من باب : شكل العين (ناقص) ومن باب=(المنفعـه) راحـت مـع اللـي سلبهـا قصـة غرامـك صفحـة ٍ داخـل كتـاب=والله ليبـطـي عاشـقـك ماقلـبـهـا او كاسة ٍ ذابـت لهـا ..كبـود ولعـاب=وطاحـت مـن يدينـه وهـو ماشربهـا 3: بعد الخيانة انتهت رغبتي فيك.. و إن كنت تذكرناترانا نسيناك (( وش إحساسك لما يوصلك هذا البيت على جوالك وشراح ترد )) ^ ^ ^ والله ان ذا البيت يوجع في القلب بس بيكون الرد روحّ مراح القطى في يوم هيفيه=ريحٍٍ ذا قدمها والعج قافيها 4: لك وحشه ماهي لغيرك من الناس .. انت اللي .. بس .. اقدر اسميك غالي...!! نبي تحط لنا رد على هذا البيت.. في بيت من اختيارك حي ذي ولا ألي قبلها وش طلّعك من ( ضلوع الصدر ) .. يالغالي ! ــــــــــــــ إرجع عليها .. وش مطلّعـك من ( بيتك ) !؟ 5: من هوفنانك المفضل ؟ اكتب لنا أبيات من أغنيه له وتكون محببة إلى قلبك والقريبة من إحساسك؟ فناني المفضل طال عمرش محمد عبده وخالد عبدالدرحمن وهه شلقه بس أنا بحط لخالد : تعالي نسكت أحسن من كلامً تاليته جروح=هلا بالصمت دام الصمت ما يجرح مشاعرنا أنا و إنتي و طول الصمت و الدمعة و كثر البوح =و ليلً مابقى به حيل ينهانا و يامرنا بكى ما كنه اللي كان يغرينا فرح و مزوح=سكت ما كنه اللي كان ملهمنا و شاعرنا توحي تسمعين الليل مدري وش بلاه ينوح=على ضحكاتنا ولا على كسرة خواطرنا اذا يبكي من الفرحة علينا علميه يروح=و اذا يبكي حزن تكفين قولي له يسامرنا و يجبر خاطرً قامت هواجيسه تجي و تروح=يشوف الحال و يكف السؤال اللي محيرنا صحيح إنا صبرنا و اعتبرنا صبرنا مصلوح=و لكن ما بقى شيً عقب هذا يصبرنا دخيل العاتق اللي له ورى ليل الجديلة ضوح=و في جاه الشفاه اللي بنسمتها تعطرنا و في وجه العيون اللي بقى للدمع فيها روح=لأجل خاطر ليالنا و ماضينا و حاظرنا تعالي نسكت أحسن من كلامً تاليته جروح=نحب بصمت دام الصمت ما يجرح مشاعرنا 6: من أشعار شاعرك المفضل ؟ قريبه إلى قلبك وإحساسك؟ والله شعاري المفضلين واجد بس بختار حالياً سعود بن بندر الله يرحمه عنيده مثل دنياي العنيده=تبي تفرض علي ألي تريده تخاطبني بمنطوق... وبلاغه=وهي ما تدري بجرح ٍ تزيده أنا فيها لقيت ألي فقده =عزيز النفس .. والروح العنيده وهي ظني لقت فيني حداهم =مع الباقين ملهوفٍ تصيده لها مني جرت غصب المشاعر=مثل ما الدم يجري في وريده ولها مني صفق قلبٍ نسيته =بدا خافق لدنيا جديده ولكن البلا ذولا ...وحنا =وخرافاتٍ طوت باق القصيده مدغم أبو شيبه: على الهون يا دمعي من العين لا تنساب= دموع التهاني والتعازي لها حفله مطيحك سواً بسباب ولا بدون أسباب=مطيح العزيز ألي تحنه و تأسفله الأحباب يبعدها قدرها عن الأحباب=ولا أحر من فرقا تلوعك على غفله تهربة من نسيانها والسنين اكّتاب=على كل صفحه صورة الأم والطفله أسكر عليها الباب تفتح علي الباب=و أنا ما معي مفتاح قفلي ولا قفله 7: نبي إحساسك باللحظة هذه توصفه لنا بأبيات؟ <<< المشكله مابه شي يحظر عشان اكتبه بأبيات واحساسي بقوله بطريقتي : حاليا احس اني أقدم أختبار <<< قطعا بذا الطاري 8: الطيب أساسك و الفخر للي يماشيك ، و الذوق شخصك، و يا سعد من هو يخاويك (إحساسك لما يوصلك هالبيت عن طريق مسج ) لا تعليق 9:انت إنسان حساس ؟ أوصف لنا مدى حساسيتك؟ والله مانيب حساس جدا يعني 10: صوره تعبر عن إحساسك؟ توقيعي 11وش أكثر إحساس تحسه بأيامك ؟ مع أبيات معبره لهذاالإحساس ؟ تدري وش اصعب شي ممكن تعانيـه؟؟=لاصرت (singl) لكن همومك (group) تدري وش اكره شي ممكن تسوّيه؟؟=انك تماشي لك بشر وانت مغصـوب وتدري من اللي غارق ٍ في بلاويه؟؟=اللي يحس انه نقـي مالـه عيـوب : 12 وبعد نهاية الاسئله شنوإحساسك ألحين؟ أحس إن كن طويق مشيولٍ من ظهري وعزالله انها ورطه صحيح و أشكر أختي ((مس)) على موضوع الورطه وعزتي للي عقبي,, وأختار ((شيخة الغلا ))تعالي دونش الله لايهينش وتورطي