عرفنا عن نفسك
انسان .! مالي فـ.. الزمن غير الامـال
من دونهـا راحـت وقفـت سنينـي .!
احس بـ.. الغربه علـى كـل الاحـوال
حتى وانا .. ما بيـن نفسـي / وبينـي
اللقب :-
][ .. خــجــل .. ][
عمر إحساسك :-
21 سنه .. و 5 شهور .. و 25 يوم .. يعني عمري بالضبط
هوايتك :-
مافيه شي محدد .. بس تقدرين تقولين اقضي وقت ما بين النت والتلفزيون والمسايير .. وهكذا
اكتب لنا تعريف للإحساس :-
هو أي شي يشعرك انك انسان .. يعني كلما ارتفعت انسانيتك ارتفع احساسك
باختصار هو المميز الوحيد اللي فرّق الانسان عن غيره
أبيات ترحيب من اختيارك أو كتاباتك .. ؟
سلام .. ومرحبا .. وان قلتها له من صميم الذات
تموت الناس عقبي لا حـدٍ رحّـب .. ولا سلّـم
على اللي فيه من روضة خريم وروضة التنهات
شذى وردٍ على صفق الهبوب .. تقـول متولّـم
بعد ما هز عرشي بالغرام .. وشالنـي بسكـات
قدر يعمي عيوني عن سـواه .. بضربـة معلّـم
اعيشه في خيالي واستعيد الماضي اللـي فـات
وانا لازلت اعاني صدق من فرقـاه .. واتألّـم
ابيات عن الحب ..؟
أحبّك كثر ما سوّيت نفسي ما أعشقـك وأخفيـت
كـلامٍ ظاهـره شـوق وهيـام وباطنـه غِيـره
أحبّك كثر ما حاولت أشتـت وحشتـك وأزريـت
وأحبّك كثـر مـا سرّانـي الشـوق فمشاويـره
وأحبّك كثر ما شيّـدت لجروحـك فقلبـي بيـت
وأحبّك كثر ما أخلصت لغلاك .. وكثـر تقصيـره
ابيات عتاب ..؟
ياقلب .. ! مات العتب يوم انتهى صبري
لاتْلوم ذيك - الليالي .. لكن : اشكرْها !
اللي كسرني وانا .. ضيعت له عمري
عذب الأحاسيس .. مدري كيف يغدرها ؟
راح العمر , غلطة لـعينه ولاندري
وغلطاتنا البيض لازم مانكرّرها
حرام دامك .. وفيت و ( طيبتك عذري ) ,
نهدي المشاعر , لمنهو .. مايقدّرها
ابيات شوق ..؟
من الشوق احس ان كنّ بابي .. على بابه
وهو ابعد من الذل .. عـن روس جدانـي
اجي مندفع .. واروح ما قلت لـه جابـه
تثاقلت حتى الكلمه .. اللي على السانـي
يعاين .. واعاين .. والمشاريـه غلابـه
ولا ادري من اللي صك بابه .. عن الثاني
ابيات وداع ..؟
( اعذروني عن غيابٍ ) ماعرفت اسبابه
رحت والا جيت مابه عـذرٍ يجمّلنّـي
غير وقت ٍ كل ماكشّـر علـي بنابـه
عنه صفّيت اربعي من خوف لا ياكلنّي
(( بعد الخيانة انتهت رغبتي فيك .. و إن كنت تذكرنا ترانا نسيناك ))
وش إحساسك لما يوصلك هذا البيت على جوالك وش راح ترد ..؟
بـ استغرب اكيد .. وبرسل :- العلم ..؟!!
وبعد ما اعرف العلم .. اتصرف
(( لك وحشه ماهي لغيرك من الناس .. انت اللي .. بس .. اقدر اسميك غالي ))
نبي تحط لنا رد على هذا البيت.. في بيت من اختيارك ..!
يشتاق لي والشوق كله تعاجيب
وأنا أدري أني طبّه إلا علاجه
وأشتاق له واالشوق فيني لواهيب
وأنا أشهد أنه كيف قلبي وتاجه
فنانك المفضل ؟ اكتب لنا أبيات من أغنيه له وتكون محببة إلى قلبك والقريبة من إحساسك؟
مافيه
من أشعار شاعرك المفضل ؟ قريبه إلى قلبك وإحساسك؟
ما عندي شاعر محدد اقدر اقول انه المفضل بالنسبة لي .. لكن بحط قصيدة لـ ابن فطيس
قريبة مني حيل حيل :-
يا هيه إلتفت لي وإسمع دعاي لك يا هيه = ترى عادك بتشبع من البعد وتواجه
دعيتك بصوتٍ ياصلك ليه ما توحيه = وأنا أسمع ضلوعك من صدى الصوت لجاجه
عليك الفؤاد إخلاجه مصمخ راعيه = خف الله في راعيه ما تسمع إخلاجه
ترى العفو قد جاك أوله وإغتنم تاليه = وترى الحلم بحرٍ غير لا تآمن أمواجه
وترى الود ليلٍ مظلمٍ جيتلك ساريه = سراجه وصالك والجفا ينفخ سراجه
وترى قصرنا اللي كم سنة نجمع ونبنيه = هوى العذل طيح بابه العود وسياجه
لي أيام مدري وين دارك ولا أدري ليه = وأنا خابر إني باب شفك ومزلاجه
غيابٍ بلا سبة هجادٍ بلا تنبيه = وجفا أغلى العرب نارٍ على الكبد وهاجة
نضج قلبي من البعد وش حاجتك تكويه = جفاك الجمر والصبر في بعدك الصاجه
إنطبع حبك بقلبي والأيام ما تمحيه = هذا هجرك يحاول يموجه ولا ماجه
يموت الأمل لكن ظنون الغلا تحييه = وعروق الوفا فالروح والقلب وجاجة
خبرتوا حدٍ يبكي على واحدٍ يبكيه = وخبرتوا حدٍ مسجون ما يبقي إفراجه
أحبه ولا أبغضته على شيٍ يسويه = ولا زالت رقاب الرجا فيه معاجة
عسى منزلٍ ضمه حقوق الوسم تسقيه = وتضحك له الدنيا وهو يضحك حجاجه
فقد خاطري شي من الضيقة مسليه = وغدت روحي من الناس والليل هجاجة
أروح لمكانٍ خابره .. خابره تآتيه = أسوق القدم صوبه وهي مالها حاجة
مكانٍ نزيه وأول مواجهي له فيه = وأنا خابرٍ ما رجل مثله بدواجة
لعل وعسى ما حدني للمجي يدعيه = وأشوفه وأنا ما ودي أسبب إحراجه
يحب الجريح آخر دروب اللقى ويجيه = وتحب القدم جية مكانٍ أول مواجه
نبي إحساسك باللحظة هذه توصفه لنا بأبيات ..؟
احس بـ اني ما عاد آحس
حتى شعوري .. مقصر بي 
(( الطيب أساسك و الفخر للي يماشيك ، و الذوق شخصك، و يا سعد من هو يخاويك ))
إحساسك لما يوصلك هالبيت عن طريق مسج ..؟
بـ قول يا لبا قلب من ارسلها
انت إنسان حساس ؟ أوصف لنا مدى حساسيتك ..؟
ما ينوصف ابد ابد
صوره تعبر عن إحساسك ..؟
وش أكثر إحساس تحسه بأيامك ؟ مع أبيات معبره لهذا الإحساس ..؟
مدري
وبعد نهاية الاسئله شنو إحساسك ألحين ..؟
مصدعه 
يسلموووووووووو مس على الموضوع الحلوووو
وبخاطري اختار :-
البندري القحطاني .. والله يعينك مقدما ً