اقتباس:
المشاركة الأصلية كتبت بواسطة فـهـيـد الــHــتــلانــي
كبرت الموضووع حيل بس عالعموم لاهنت على النقل ..
|
هلا وغلا أخوي فهيد
أنت صرت الناطق الرسمي لوزارة الداخلية !!!!!! أثبت أن هالخبر اللي بالجريده كذب وبعدين قول أني بالغت
أولا مشاركه رقم 1
مفاد الموضوع + صورة الكتاب
نقلتها حرفيا والمصدر موجود فوق شوفه بالجريده بالصفحه الاولى
فلا تقول كبرته ياخوي بدون دليل عر الموضوع من صحته وبشر باللي بيعتذر
فماله داعي نشكك بهالطريقه بدون بينه
أما مشاركة رقم 2
فهذا رأيي وفق قناعتي الشخصيه
والدستور عطانا وعطاك حق النقد أن كان هادف
فكلامي بمحله
لو الكتاب موجه للبنك فشنسميه مو تسول ؟ مو مجرمه القانون ؟ وين ميزانية الوزاره ؟ مو بعهدتها هالمساجين
لمن يقول بالخطاب ارسلو مندوبكم نوريه بام عينه الاوضاع بالمخفر ؟ منو سمحلهم يورون المندوب المساجين وين حقوقهم ؟ فلو كانو هالمسجونات مثر مواطنات أي قانون يسمع يترفدون من بنك ويقولون خل يجي ويشوف ؟ فيه غير النواقص شي ؟
ماشوف جبت شي غريب أو زدت على الخبر حرف ؟
عامتا أتمنى تتبين الخبر قبل لا تقول بالغت عشان البعض مايفهمها غلط
وماتكون رساله غير مباشره ينطلق معاها البعض بدون بينه
اسعدني مرورك