خله على كيفه وكيفه يردًه
قد قالها غيري وانا اقول ياصاح
هذي ثلاث سنين والشطر اعدًه
مدري متى كيفه يرده ..ونرتاح
من يوم ما قفى واشر بيدًه
كل ما تناسيته.. رجع طيفه ولاح
يعني كذا مالي عن الحزن صده
زرعن ثبت عرقه وانا فيه فلاح
ليته يجي مابين مده ومده
ويشوف جرحه كيف للروح ذباح
انا عليل وعلتي مستبده
لا احزاني احزانٍ ولا افراحي افراح
جو الحزن.. غطًى ليالي المودًه
وشمع الوصل بيني وبين الغضي ساح
ياما انتظرت وقلت للحب لدًه
لين الأمل من كثر ما قلتها راح
الشاعر
ناصرال ذروه
نجلا