ابو فلاح لاجا للحـــرب جلجالي = زعيم قوم عطيبات مضاربها
السلام عليكم ورحمة الله وبركاته قصيدة قيلت في راعي الفزعة والاولة وذو المواقف الطيبة الامير / سلطان بن سلمان بن حثلين . لـ شاعرها / حمد بن منصور ال ضاعن العجمي :
حييت في عـودتك يا شيخنا الغالي = ياللي حبال المراجل دوم قاضيها سـلطان سلطان ليا من حدك الجالي = ضـد المعادي اليا كثرت مصاعبها عساك تسلم لنا في كل الاحوالي = يالي عـلوم الشـرف والطيب كاسبها فزنا بشوفك وقلنا زين الأمثــالي = ابن الزعــامه وراعيها وصاحبها يا الاشقر اللي يهوم المرقب العالي = لاشاف جول الحـباري ما يجنبها ولا كما الـسـيل لا جا عقب الامحالي = اطب قاع المحــل تخضر جوانبها ولا كما جـوهـر في نــوره ايلالي = معادنة صافيات من شــوايبها حلاٍ شهر بالعولي في كـل منزالي = له موكر دايم بعلى جذايبــها ربع هل الطايله في كل منــوالي = توارثت طيبها من راس شايبها من راس شيخ له التــاريخ مازالي = صفحات مجـــد يسطـرها ويكتبها ابو فلاح لاجا للحـــرب جلجالي = زعيم قوم عطيبات مضاربها ومنه تسلسل ارجال تطـرب البالي = عز القبيلة وسقم اللي يحاربها شيوخنا من قديم الـــوقت والتالي = يرقون عليا طويلات مراقبها اهل الكرم والفخر ماضين الافعالي = اهل الجمايل كبيرات مناصبها وخالك له الطيب والناموس منزالي = عادت الاجواد ما تخلف مناسبها رجل يسرك لامنه حـال بك حالي = ينقل عناء الكايده لا حل وجبها يالله عس الخلد له منزل ومـد هالي = وياعل خلاق نفسه ما يعذبها وما قلتها طامع في كسب الامـوالي = لاشك نفسي عزيزة دوم مصعبها لاشك انا اقولها في الطيب الغـالي = يسمع بها الشرق وتسمع مغاربها ولولاه ما تطري حروفها على بالي = والله ولا اكتب بيوت كنت كاتبها |
يستاهل المدح وماعليكم زود
|
لاهنت يالخويطري
يستاهل المدح وبيض الله وجهك |
لاهنت يالخويطري
يستاهل المدح وبيض الله وجهك |
الخويطري صح السانك والسان حمد منصور قصيده جزله من شاعر جزل
وابو سلمان كفوووو ويستاهل تحياتي |
ارحب يـ فيصل بن محمد
ومرحبا بك وبمرورك الطيب تقبل سلامي واشواقي الخويطري |
ارحب يـ بدر المحفوظي
ووجهك طال عمرك ومرحبا بك وبمرورك تقبل سلامي واشواقي الخويطري |
سعود
صـــح اللســـانك ولســـان الشاعر يستاهل المدح ابوسلمااان لاهنت يالذيب على النقل الطيب تحيااااااتي |
الخويطري صح السانك والسان ابن منصور
قصيده جزله من شاعر جزل وابو سلمان كفوووو ويستاهل المدح |
مرحبا ومسهلا يالسفير
شكرا لحضورك وماعليك زود يالغالي تقبل سلامي واشواقي الخويطري |
الوقت في المنتدى حسب توقيت جرينتش +3 الساعة الآن 03:39 PM . |
مجالس العجمان الرسمي