فريد النوع لشاعرفهد القحطانى
يا فريد النوع من وين الرواقه = وانت واقف من ثلاث شهور ضدّي جيت لك مهدي من الاعماق باقه = ورحت منّك بايحٍ للناس سدّي كيف تجهلني وانا باسمك بطاقه = وكيف تنساني وانا ما هو بودّي ياحبيبي وين مفهوم الصداقه = وين قلبك يوم تعلن بالتحدّي الحماقه ما تجيب الا الحماقه = وانت بعد اللي تقوله جبت حدّي لا تهددني على قطع العلاقه = جعلك فدى ذود ابوي وذود جدّي ما على شوفتك يالصاحب شفاقه = كان تبغى الصد من ذاليوم صدّي ودام قلبي طاق شيٍ ما يطاقه = روح جعلك من مراحك ما تردّي ضيفك اللي ضاف صالون الحلاقه = وكل يوم وخدّته في يدين هندّي والاّ انا اسّرح عند ابوي وفي نياقه = وانزل بها في مرابيعه واشدّي وكل يومٍ مجتمع لي مع رفاقه = والربيع الزين والخلفات عندّي ويش ابي بك يا مدوّر للرشاقه = وانت شكلك من مقامك ماانت قدّي فرجعتي لك مثل صدام وعراقه = حتى لوّك خاتمٍ في وسط يدّي وكان قلبي يشتكي لي من فراقه = ماله الاّ دمعةٍ من فوق خدّي ويخسى .... ان كانه خرج بي عن نطاقه = ان بغى يسرع معي ولاّ يهدّي فيمكن اتعدّى الحزن واكسب سباقه = بس قدري ما على مثله تعدّي |
شيخ قحطان صح السانك وبيض الله وجهك قصيدة جزله
لاهنت يالسنافي تحياتي |
حبيب الله لايهينك على مرورك وبيض الله وجهك لاهنت يالذيب
|
الله الله
ياشيخ قحطان صـــــح اللســـانك ولاهنت يالسنافي وبانتظار جديدك تحيااااااااتي |
العود لاهنت اشكرك على مرورك بيض الله وجهك
|
الاخ \ شيخ قحطان
صح لسانك ولاهنت قصيده رائعه تحياتي لك |
ابومحسن الله لايهينك واشكرك على المرور
|
صح اللسانك ولا هنت
بنتظار جديدك القادم تقبل منى خالص التحيه |
الشيخه لاهنتى على المرور الله يعطيك العافيه
|
الوقت في المنتدى حسب توقيت جرينتش +3 الساعة الآن 10:37 PM . |
مجالس العجمان الرسمي