سلام ياعابر عدد مالاح براق الخيال=وبعد السلام اعلمك رسالتي مضمونها
ياعابر انتة في الشدايد ذاخرينك راس مال=وانا اشهد انك من ورى الهقوة ولاانت ابدونها

يامرحبا فى مرحبا بالشيخ زيزوم الرجال=وعداد دنان الرعود الى تهل امزونها
اليا ذخرتونا لقيتونا مثل صم الجبال=والله يعز اصحابنا والروس فوق امتونها

دام البقى ياهل المواقف مرويت حد السلال=اليا اختلط عج الرمك دار العدو تردونها
انتم هل الجال القوي منتم هل الجال الهيال=هذي حقيقة والحقايق نتبع قانونها

لاهنت ياغشام يالمنعورفى كل الحوال=وانتم كذالك والمراجل مثلكم يزهونها
ياصاحبى ياصاحبى عندى لكم واحد سؤال=عسى الطيور امقرنسه والصيده يصيدونها

مادام طريت الطيور الغالية يابن الحلال=انشد وتلقى والحقيقة لا زمن تلقونها
الطير مات وعاضني رجل(ن)على راسي عقال=الي ليا كبرت على اعيال الرخوم يصونها