|
أمــنــيــة
لاوهنى اللى رصيده ملايين
وامضاه فى راس القلم يقبلونه وبواخره تمشى بكل البلادين ومسطره من كل شكل ونمونه وعنده اعيالن صالحينن رشيدين لاغاب والدهم هم يمثــــــــلونـه وبيته يعادل شاهقات الضلاعين تلقى الحمام مبيضن فى ركونه وديوانه اكبر ما بنى بالدواوين ومفتوح لأجواد العرب يدهلونه فيه الخدم متكاملينن مطيعين من جا لها الديوان بيباشرونه رجلن سداد حاوي دنيا ودين واللى يعنى له مايخيب ظنونه يعطى اليتاما والرمل والمساكين عـــطاه لله مــا يبي يـــمدحونـه مع لابتن تنطح وجيه المعادين عزن لهم وهم يتفادون دونه ولاصارت الريضان مثل البساتين ماطاب من قفرانها يــنــزلـونـه فيها الخزاما والنفل والرياحين تطرب لها الورقا وتزعج فنونه وثلاث جارتن بناتن مزايين وغيدا موفر كل مايشتهونه واليا خطب بنتن ما باهلها معين والناس كلهم ودهم يناسبونه هذى الحياه اللى لها الناس شفقين ومن غر منها يحيات المهونه اشوى من اللى ياخذ الدين بالدين وطلابته راس الشهر يبلشونه يقضى معاشه ما مضى الشهر يومين الفقر شيب به وشابت عيونه ومع الفقر عنده بزور ونساوين يبون حاجتهم ولا يعذرونه عايش ولكن عيشه العزر مسكين كنه مصخن وهو مابه صخونه يالله ياقابل صلاة المصلين انك تقوم بعوننا ثم عونه وسلامتكم منقوله عن الشاعر المرحوم سليمان الهويدى التوقيع وش عاااد وان قيل بنت رجااال ^^^ شيخه واهلها سلااااطيني |
صح لسانك ياالشيخة والله يرحم صاحب القصيدة ويغفر له
|
الشيخه
صح اللسانش ولسان الشاعر سليمان الهويدى الله يرحمه ولاهنتي على النقل الطيب تحيااااااتي |
صح لسانش ولسان المرحوم وذالقصيده قالها يوم دخل الرياض وشاف المناظر اللي فيه
|
ولا هنتو يالربع ومشكورين على الزياره الطيبه مرحبا ومسهلا
التوقيع وش عاااد وان قيل بنت رجاااال ^^^ شيخه واهلها سلااااطينى |
لا هنتي يا اختي الشيخه صح لسانش ولسان ابن هويدي الله يرحمه
|
صح لسانك ياالشيخة والله يرحم صاحب القصيدة ويغفر له
|
صح لسانك ياالشيخة والله يرحم صاحب القصيدة ويغفر له
|
الشيخه
الله يعطيك العافيه ولاهنتي ياطيبه تقبلي تحياتي,,, |
مشكوووووووووووووورين ولا هنتو مرحبااااااااااا ومسهلااااااااااااااا
التوقيع وش عااااد وان قيل بنت رجاااال ^^^ شيخه واهلها سلااااطينى |
| الوقت في المنتدى حسب توقيت جرينتش +3 الساعة الآن 09:53 AM . |
مجالس العجمان الرسمي