يا سلامي عليكم والمبدى السلام= رحبوا يالنشاما كان توحونها
يابدر جاك شهر الخير شهر الصيام=وبعض الايام يمكن ماتصومونها

ياهلا مرحبابك عد وبل الغمام=وعد ما دندن الرعاد بمزونها
لا لفانا ارمضان انسير حسب النظام=نحسب الاجر مثل الى يحسبونها

نب نطق الجريد ويب يطير الحمام=والذايبة عليك تشبهر اعيونها
بعد بكرة تطيش اليا فقدت الطعام=واكثر الناس منك تخشش اصحونها

الذايابه اتلاقى ذيب مابه كلام=مانجى من ورى الهقوه ولا دونها
انت ودك تمشينى بدرب الحرام=اعبد الله ولى تقوى ولا خونها

كفوُو واللة لكن الطق ففك الحام=انت مثل الامانة عند مانونها
انت ودك تخليها على مايرام=ماضلمتك ترى العالم يشوفونها

يارعى العلم طعنى وعرف الدرب شام=لاتبيح خفى العالم ومكنونها
العوارف تعرف ولا لحقها ملام=وش تسوى بمجنونه ومجنوها

احمد اللة دليلة يارفيع المقام=لا تعلم هل الطولات في شونها
يابدر يابدر هرجتك ماهي تمام=مير بعض السوالف لا تلفونها