الوعيلي والذيب
(.قال الغليسي.)
عذبتنا ياذيب ولاتغانيت=منك شكى الاول على كل تالي لما سمعت الصوت ياللاش طقيت=ماغير تسرق من حلال الرجالي فعلت فعل الخبث ماعاد شحييت=من فرقتي تاخذ ثمان جلالي ياذئب فارقنا على الي انت سويت=يابن الذي لاعاد تاكل حلالي (.قال الذيب.)
يابن الغليسي بالحكى الشين زليت=بالهرج تفضحني لما جامجالي وتقول بي تو العرب ذيت ماذيت=تجمع قصيد تحسب انك اهلالي غلثت لي بالسم في الراس دقيت=تبغيه يقتلني وربي شدا لي كم واحد قبلك على ماله ادويت=اكل حلاله ونثني في النصالي حتى العشاير في دخلها تنقيت=كليتها في الجوع والزاد حالي حلفت ماخليك ولو تبريت=اناعرفتك بين جمع الحلالي عقب المنايح حقتك ويش سويت=بتروح تسترفد وهي عادها لي (.قال الغليسي.)
هو ماتخاف الله يعوقك لما ارهيت =ايجيك من ربي حثيث الزوالي بدعي عليك الله معى وقت صليت=ايدعثرك ويقود حبل الرجا لي (.قال الذيب.)
لي جا من الله قدرة ثم توفيت=اوصيت عند اللي شبيهي مثالي
(.قال الغليسي.)
فقرتنا ياذئب ولاتغانيت=منك شكى الاول على كل تالي
(.قال الذيب.)
ياخوي ماذخري سوا اللي تعشيت=ولا فلا غرس ولابه حلالي
|
الله يعطيك العافيه يا ابو سالم
والله يرحم الغليــــــسي |
اررحب يالوعيلي وتسلم على الرد ياذيب
|
لاهنت يا بو سالم
|
لاهنت ياراكان على مانقلته
تحياااااتي |
لا هنت لاهنت يا راكان على ألابيات الرايعه،، والغليسي أسمه جابر بن الغليسي
من آل مخلص على ما أضن ،،،،،،،،،،،،،،،،،،،،،،،،،،،،،،،،،، ما هو بكذا يا راكان |
وولا انت يابو مسعود
|
اررحب يالعووود وولا انت وصح بدنك
|
اررحب ياحووض المنايا وتسلم على الرد والتوضيح
|
لاهنت ياراكان على مانقلته
ويعطيك الف عافية تحياااااتي |
الوقت في المنتدى حسب توقيت جرينتش +3 الساعة الآن 04:52 AM . |
مجالس العجمان الرسمي