نعمه في كف امحروم ..
السلام عليكم و رحمة الله و بركاته اصبحكم / امسيكم بالخير و الرضا اتواصل معكم بهالنص المتواضع و اتمنى ان تفتحو له قلوبكم .. / \ / سم يآلبيه والخافق خدوم للعيون اللي تورد للهلاك من حلاها كل من حولك يقوم يفرح لطاريك ويدور رضاك ويبني الهقوات ويحث العزوم يحسب إنه قآدر يملك هواك ما درى بأن الكواكب والنجوم أقرب لعينه من إمعانق غلاك انت نعمه جات في كف امحروم وضمها ما لدا في هذا وذاك كانت ايامه غرآبيل وهموم وزانت ايامه بعد ليلة لقاك صرت له منصى ووصله لك لزوم إن تضآيق من صدوف الوقت جاك طلتك في كوم والعالم بكوم في حضورك في طبوعك في حلاك وبسمتك كنها تباشير الغيوم والوفا في خافقك يشبه سماك والعواذل لو تقول لو تلوم كلهم يا نعمة اسنيني فداك حافظك حفظي لعيني وامحشوم وما يشك القلب لحظه في وفاك جعل يومي قبل يومك لو بيوم لجل ما أضم المفارق من وراك الوكاد ان المحبه لك تدوم لو اموت واندفن تبقى معاك و سلامتكم : محمٌد آلعزٌام |
رد: نعمه في كف امحروم ..
الوكاد ان المحبه لك تدوم لو اموت واندفن تبقى معاك يا سلااااام يا سلاااام جزل جزل بيض الله وجهك اخوي محمد على القصيدة الطيبه ولا تحرمنا من جديدك |
رد: نعمه في كف امحروم ..
.. وعليكم السلام ورحمة الله وبركاته ..
{ دائماً تبهرنا بروعة ما تقدمه لنا .. دمت ودام قلمك لا يكتب الا ما هو رائع دومـا ~ :a36: |
رد: نعمه في كف امحروم ..
اررررررررررررررحب يامحمد
حيه وحي ماجاب لاهنت على القصيده الجزله والطيبه وننتظر جديدك ان شاء الله ولاهنت |
رد: نعمه في كف امحروم ..
صح لسانك يابن عزااام
ابيات في قمه الابداااع ننتظر جديدك طال عمرك وتقبل مروري اخوك عبدالله بن جعشه |
رد: نعمه في كف امحروم ..
الله الله
صح لسانكـــ اخوي محمد العزام ومبدع نفداك ابونايف الوعيلي |
رد: نعمه في كف امحروم ..
صح لسانك يا الغالي قصيدة روووعه
|
رد: نعمه في كف امحروم ..
طلتك في كوم والعالم بكوم
في حضورك في طبوعك في حلاك / \ / الوكاد ان المحبه لك تدوم لو اموت واندفن تبقى معاك الله الله ابيات روعه ماشاءالله~ صح لسانك ياشاعرنا ع القصيــدة ~ ننتظر جديــدكـ بكل شوق~ وفقك الله :21t: |
رد: نعمه في كف امحروم ..
جعل يومي قبل يومك لو بيوم
لجل ما أضم المفارق من وراك الوكاد ان المحبه لك تدوم لو اموت واندفن تبقى معاك ياسلام سلم محمد جزل جزل وصح الله السانك لاهنت |
رد: نعمه في كف امحروم ..
الله الله
محمد العزام صــــح السانك يـــالـــسنافي ولاهنت |
الوقت في المنتدى حسب توقيت جرينتش +3 الساعة الآن 09:40 PM . |
مجالس العجمان الرسمي