سامرت براقٍ شعاني ضيه= خارج نطاق الصوره الرجعيه
يجذب سنا نوضه خيال الضامي= اللي يعس فجوج الايحائيه
فإن كانه أمطر علم يا عبدالله= وإلا اعتبرها مزنةٍ صيفيه
أحاول اطوي لك تجارب عمري= وأفل لك من مهجتي مطويه
عطني من عيونك فديت عيونك= بسمعك ماهي عطا ... عاريه
لو تعلم أن لي ضحكة ممزوجة= مغيب شمس وصبح عيد ضحيه
كان أمتطيت الجرح يا خياطه= حتى تشوف أبعاده النفسيه
أسترّ عن عيون الشماتة جرحي= وأقول وش هي طعنة الجنبيه ؟
أكابر بصمتي وأفل أحجاجي= والناس ما تدري وش اللي فيه
تسمو صروح الراحة المنشودة= اللي بلبنات التعب مبنيه
مغانم الدنيا بحر من دونه= أتذود تياراته البحريه
والآدمي حظه على الما شوعي= أما طبع و إلا سلم راعيه
ما يدرك الغاية سوى متثبت=كم روحةً ما جاء بعدها جيه
تبسّم وناد الحياة تجيلك= وأعقد لصلفات الطرايق نيه
واليا طعنت من الخلاف أدرّ أنك= قدم العرب والطعنه الماريه
لا تعرض الذمه على السوامه= خلوك في رمضا وهم في فيه
المال لو يشري ضمير أبن ادم= ما يشري أقلوب البشر موليه
أنطقت لك من صمت فكري لوحه= لك التأمل والتألم ليه
فان غيبت شمسي صروف الدنيا= أنت الرجاء كله وشمسك حيه