الكزس
السلام عليكم ورحمة الله وبركاته اسعد الله اوقاتكم بكل خير ... قصيدة تواضعة آمل ان تنال على رضاكم واعجابكم... . . . . :a28: http://files02.arb-up.com/i/00043/uokz7nmapjjp.jpg
لضفى هدوء الليل والناس هجاع=تزاحمت افكار شعري دفيعه يامرحبا والهيل في دلتي لاع=يامرحبا والقاف زاين سنيعه اقفى شتانا وارسل الصيف ذعذاع=واسترسلت ريح السموم الشنيعه ياقلب لاتشكي على الناس الاوجاع=بعض العرب تفرح لاجتك الوجيعه ياقلب خلك للطويلات منصاع=اترك ردي القوم جنب سميعه وا قلبي ياللي تشتكي ضيق الاضلاع=ابشر بعزك بالفجوج الوسيعه وجدي على اللي يطرب القلب لافاع=جيبن من اليابان فنوا صنيعه لكزس وليد العام صمم بالابداع=على جيوب الوقت حاز الطليعه لدار سلفه شك قلبك بالاسماع=صوته كما نسمة صغيرة رضيعه في وقفته حرن على الجول طلاع=ابيض كما ثلج الشتا في صقيعه في فزته كنه يبي جو الاقلاع=قو الهوا لاهب ماهو يطيعه لازان خطه جاه وضع اترباع=راسه تنكس دبته في رفيعه انشهدنه للبعيدات قطاع=يطرب على ضرب الخطوط السريعه الرنج لاشافه قصر دونه ارتاع=واالبورش والفكسار ترهب خضيعه كنه عميد اركان متزعم اقطاع=في مقدم الضباط محدن نزيعه له شامتن في دبته تلمع اللماع=علامة الساير زهت في لميعه هو منوة الخاطر وهو شف الاطماع=عيني بصيرة والقصيرة وديعه وجدي على ممشاه بفجوجن اوساع=واسلي نفسي من همومن فظيعه هو منوة اللي للصعيبات فزاع=اللي اسدوده بالشدايد منيعه سلامتكم تحياتي وتقديري للجميع |
رد: الكزس
قصيده في قمه الروعه صح الله لسانك وتسلم يمينك على هالقصيده ..
<< من عشاق جيب اللكزس .. :) |
رد: الكزس
مترك العمره
لله درك :) |
رد: الكزس
الله الله
يستاهل الكزس :) وصح الله السانك على القصيده والفخامه بالنص والموضوع وجزل طال عمرك لاهنت |
رد: الكزس
صح الله ألسانك نفداك
ولاهنت انشهـدنـه للبعـيـدات قـطــاع يطرب على ضرب الخطوط السريعه |
رد: الكزس
صح لسانك يا ابو نايف قصيدة رائعة في اللكزس:)
|
رد: الكزس
اقتباس:
الاخت القديرة/ شامخه بعز ابوها يامرحبا ومسهلا سعيد بحضورش العطر... وصح الله ابدنش تسلمين على هذا الاطراء العذب تحياتي لش وتقديري |
رد: الكزس
مترك صح لسانك ولاهنت
قصيده جزله وانت جزل على طول والله لايهينك وننتظر الجديد |
رد: الكزس
اقتباس:
الاخت القديرة/ قضى ليل الهوى طلابه يامرحبا والله ومسهلا سعيد بحضورش العذب وتسلمين على هذا الاطراء الجميل حضورش مطر تحياتي لش وتقديري |
رد: الكزس
اقتباس:
الشاعر القدير/ عليل المحبه يامرحبا والله ومسهلا سعيد بحضورك العطر وتسلم على هذا الاطراء الجميل .. وصح الله ابدنك وكلك ... مرورك مطر تحياتي لك وتقديري |
الوقت في المنتدى حسب توقيت جرينتش +3 الساعة الآن 12:42 PM . |
مجالس العجمان الرسمي