المحبة قوية وأخذتني بقوة=والهواوي معذب من مكان لمكاني
أشتكي لله اللي خالق كل دوا=حاجةٍ في الضمير وقلتها باللساني
من حبيبٍ قصفني قصف برٍّ وجوا=ما درى إني على شانه عصيت الزماني
ليه كثر التغلي في الزمان الملوى؟= وأنت تعرف مكانك عندنا شي ثاني
والله إنّا نسوي شي ما هو يسوى=كلها لأجل شوفك لو نشوفك ثواني
هايمٍ في غرامك لين جسمي تروى=في غيابك وصدك صاحبك ما يداني
وأثرك أنته حبيب ما شعنده مروا =خانني في الزمان وذقت هجرٍ كواني
مير عود عليّ قدرك أنت علوه =آه من خلي اللي في حياته نساني
جيتك عندنا مثل السحاب يتضوى=مثل برقٍ تشوف العين قاصي وداني
كل شي فداً لك من صديق وعدوا= والله إنه غلاك أنت من أغلى اخواني
أنت تامر وتنهى كنك أحد السموا =ما حدٍ زي شكلك وأنت عزي وشاني
لو يطول الزمان ولو يجي فيه سوا =حبك أنته بقلبي ثابت ما يهاني
يا حسين الوصايف لو تفيد المنوا =خوتك مكسبي يا زين والعمر فاني