يالله يامن كل خلقه تساله
قصيدة معبرة و قديمة للشاعر الكبير مبارك العقيلي رحمه الله القاها سنة 1314هجرية.
يـا الله يا من كـل خـلـقـه تـسـاله = يـا من يـجيب الـعبد في كـل الأحوال أدعـيـك بآيـات عـلـيـها جـلالـه = مـن مـحكم التـنزيـل يـا رب يا وال تـولى العـدو وشـرٍ يـعـمـه و آلـه = ومـن الأهـل تـخليه والـدار والمـال ومـن النـسل تـقطـع إلـهي عيـالـه = ومـن البـصر تـعميه وآذانـه إثـقال يمـوت فـي حـسـرات والويـل فـاله = داره خـراب مـا يعـمـر بـها جـال الله الأحـد يـا رامـيـيـن الشـكـالـه = تـخسـون مـا يـنال الشـكـالات لنذال ظـنيـت فـيكـم بالحـيـا والجـمالـه = وانتـو الهـيـوس الـربد واخساس لفعال أخـزاكـم الوالـي تـعــالى جـلالـه = وابـدا الـذي تخـفون مـن قيـلٍ أو قال واعـرفـتكم يـا هـل الردى والجـهاله = حـسـادة الأنـسـان حـتـى إذا بـال ومـن رابـع الأنـذال أهـفـت لـجاله = وإلى يـطيـع الـواش درب العد لـضال ومـن لا يـفـكر في مبـادي افـعـاله = يـندم ولا بـعد انـقضـى الشـي يحتال مـات الصـديق او عـاش قوم الرذالـه = وامـدوريـن الـجـاه لا جـاهـهم طال رامـوا نـزولـي والبـدر في السـما له = نـورٍ ولا يــغـطيه رثـاث لسـمـال الصـبـح لا مـن بـان لـليـل زالـه = والشـمس مـا تـخفى ولـو قال من قال كـلٍ يـظـن النـاس فـي زي حـالـه = وللـنـاس أطـوارٍ وأشـكـال واحـوال وعـنوان هـذا المـرء وصـل انـحياله = منـها عـليـها فـي فـعلـها لـها زال يـا هـيه يـا مـن جـر جنـد احتياله = تـخشـى دنـي العـزم وما تسكر العال وانسـيت جـر الغـرب و يـا الحـماله = الله يـعز الـديـن يـا طـأيـح الحـال مـنتك نـفسـك بالـعـالي جـهـالـه = واغـراك مـا جمعـت يا لعفـن من مال مـا تـحسب أنـي مـن قـرومٍ سـلاله = بـيض الـوجوه إمـعد لـه كل ما مـال و مـن يـستـعـد الهـرج للـضـد آله = مـثـلك فـلا هـو نـايل مـنـه منوال وش عـاد لو ذبـيـتـني بـالـسـفـاله = وادعـيتني يـا بـن الـردى مغرمٍ ضال وانـا الـذي مـثـلي بـعيـدٍ منـالـه = مـن ذا الـذي مـثلك لـما نـلت أنا نال مـا هـوب عـيبٍ للـرجـال الجـماله = وجـه الـرجـل مـجلس وبـنٍ(ن) وفنجال ومـن يـتـقي مـن دون عرضه بـماله = فـالى يـلـومه جـعل يـبلا بـزلـزال واصـحـابنا يـا لقـين أهـل الـنفـاله = مـا بـهم من المنـقود مـعشار مثـقال |
صح لسانك يا فزااع
ورحم الله الشــاعر مبـــارك العقيلي |
صح بدنك أخي عبدالله وتسلم على المرور الكريم
والرد الطيب. |
فزاع صح اللسانك ولسان مبـــارك العقيلي والله يرحمه
لاهنت على النقل الطيب |
صح بدنك و الله لا هان غاليك يالعوود تسلم طال عمرك على المرور
والرد الطيب. |
صح لسانك
ولاهنت |
صح بدنك ولا شنت أخوي ابومحمد
تسلم على المرور والرد الطيب يالغالي. |
الوقت في المنتدى حسب توقيت جرينتش +3 الساعة الآن 04:07 PM . |
مجالس العجمان الرسمي