وإذا يعني تضايقنا؟؟
السلام عليكم ورحمة الله وبركاته واذا يعني تضايقنا..؟ بنغير شي.؟ وإذا مات الزهر في اجمل حدايقنا بنغير شي.؟؟ واذا بهدومنا ضقنا.! بنغير شي..؟ كثير نمر في بعض الأحيان بضيقة بال.. زعل صاحب وحاجة مال شتيمة شخص مايعرفك..؟ وعتب قارئ..! ونزعل حيييل ونتضايق..؟ (.. واذا يعني تضايقنا..!) واذا يعني تضايقنا..؟ هي الضيقة بتكون الحل..! اذا كانت شموس الوقت تحرقنا هي الضيقة بتكون الظل..!! إذا غابو جميع الناس وتفارقنا هي الضيقة بتكون الخل.!! (وإذا يعني تضايقنا..!؟) واذا يعني تضايقنا..! وكثير من التعب ذقنا وسهرنا الليل بيجي صبح ويفرقنا ونبكي سيل لين الدمع يغرقنا ولابه شخص في الدنيا بليا..هم أحد ضايق..! سبب فاتورة النقال احد ضايق..! عشر سنين متزوج وربك مارزقه عيال احد ضايق..! لأنه البيت به صج وزحام اطفال احد ضايق..! من السكر..! واحد ضايق.! لأنه مامعاه ريال هموم أكثر من اللازم تخنقنا سؤال الحال..!!!!!!!! (وإذا يعني تضايقنا.؟) وإذا يعني تضايقنا..! من اللاشي إلى اللاشي على اللاشي تخانقنا وندخل في نوايا الناس أظن فلان يقصدني..! أظن السيدة فلانة تسب الآنسة فلانة عشان العانسة فلانة (أظن ألناس هني بالحيل تكرهني..!) ترانا ناس فينا كذب. وغبي منهو يصدقنا.. ( وإذا يعني تفارقنا..!) وإذا يعني تضايقنا..! إذا راحوا وخلونا نسوا كل الكلام العذب بكونا وعرفنا بيوم بأن كل الحكايه كذب ملونا وإذا خيم علينا الليل ما أشرقنا وإذا ضقنا وصار الحرف حبال في مشانقنا بعد هذا.؟ (وإذا يعني تضايقنا..!) وإذا يعني تضايقنا..! إذا هذا الزمن لبسك ثياب في يوم مو قدك بتحط أيدك على خدك وتبكي حيل إذا هذا البحر ضيق ولا يقدر يمدك بتحط إيدك على خدك وتبكي حيل إذا خدك طبع حزنه على يدك وعرفنا كل شي (وإذا يعني تضايقنا!) إذا يعني تضايقنا..! وطفينا دروب النور وعتمنا المدن والدور ويتمنا شجر وزهور وكتمنا رقيق شعور وشتمنا علو السور عشان اشياء في الأتفه من الأتفه من الأشياء..! رجل خاين "ماهي دوم الرجال تخون..!" خيانة بنت "ماهي كل البنات تخون..!" (وإذا يعني تضايقنا!) وإذا يعني تضايقنا..! ومشوا عنا كثير اصحاب وتفارقنا وشققنا الورق للريح بعض فرقا تكون الحل قبل نطيح بعض فرقا مثل جمره وحنا الشيح بعض فرقا كثير أكرم من التجريح بعض فرقا تجي جية دعا تسبيح وكثير أصحاب فارقنا ونسيناهم كأن كانت علاقتنا علاقت وقت..! مصالح وأنتهت .. يمكن قراب و دم أو جيران يمكن تشابه هم يمكن واللي يهم ماضقنا . (وإذا يعني تضايقنا..!) وإذا يعني تضايقنا..! وطيرنا فراش النوم ومسحنا كل الوانه وإذا سيطر على جوك حزن ووجوم وبديت تفسر الأشياء على كيفك كثير اشياء غلط حولك وجوع الناس تعبانه قلق مدري طفش مدري تعب مدري قرف مدري ترف مدري من الناس زهقانه كثير أشياء تزهقنا (وإذا يعني تضايقنا..!) بنغير شي.؟ مما راق لي1bh1 |
رد: وإذا يعني تضايقنا؟؟
سمو الروح نص رآئع جداً راق لي .. كل الشكر غاليتي :a36: |
رد: وإذا يعني تضايقنا؟؟
لاهنتي سمو الروح على الابداع المميز
|
رد: وإذا يعني تضايقنا؟؟
هـــلا وغـــلا
حــرايــر شكرا للمرور الروعة ولاهنتي حفظكِ الله. 1bh1 |
رد: وإذا يعني تضايقنا؟؟
كل الابداااع في حضورك الكريم
king الوادي king شكرا لك ولاهنت بيض الله وجهك وحفظك الله.:21t: |
رد: وإذا يعني تضايقنا؟؟
اختيار جدا جدا موفق
الى درجه انني كنت اتمنى ان يطول النص اكثر واكثر اشكرك اختي الكريمه على هذا الاختيار اتمنى لك التوفيق... |
رد: وإذا يعني تضايقنا؟؟
سمو الرووح
اشكرك على الاختيار المميز تقديري. |
رد: وإذا يعني تضايقنا؟؟
سمو الروح آختيار رآئع كروعتكـ لآهنتــي
1bh1 |
رد: وإذا يعني تضايقنا؟؟
دائما مبدعه ف اختياراتش
يعطيش العافيه |
رد: وإذا يعني تضايقنا؟؟
اقتباس:
مرحبا بك ومسهلا فهيد الكفيف أسعدني تواجدك الكريم على متصفحي المتواضع وردودك الطيبة ولاهنت تقبل فائق التقدير والاحترام لشخصك الكريم . :a36: |
الوقت في المنتدى حسب توقيت جرينتش +3 الساعة الآن 07:03 PM . |
مجالس العجمان الرسمي