بغضي إلبشت ٍ مزيف زهوبه قوم أل=وعزي إلبشت ٍ زها إمعه من قوم آل
لاتقُل إنّ الزمن قد كساهُ الظلمَ بل=قل يَميني من تراخت على رد الوبال
العفو والمغفره بيد رب الكون جل=والعمر واحد وفاني ولافيها مجال
إن توافق قلبك وعقلك الموزون خل=كل قوال ٍ حكى في قفى عم ٍ وخال
ماعسفت إلا حروفي من أفكاري ودل=إني أكبر من هل النم لاضاع الجدال
ياقناعاتي تباهي وغني يوم ذل=كل من غره زمانه وجاك اليوم ذال
لاني إبمساح جوخ ومداس ٍ فوق زل=ولاتسلقت الكتوف وزماني مايزال
أتصبر وأشرب السم في جوف العسل=وأعتزي في صلب جدي وأسيل مايُسَال
إمبراطوري وأشيل الحمل مدبول شل=يوم غيري مايشل الحمول ولايشال
غايتي تحقيق ذاتي وتصميمي وصل=للطموح اللي وصلته وبادله الوصال
الخطا وارد لأنّا بشر مهما نضل=إنتسامى بالوصوف الكريمه والنضال
لاتخاف الليل لامن غزا كونك وطل=وإعرف إن الليل تاليه صبح ٍ مهما طال
جيت أزعل من رضى ثم أراضي من زعل=وأشبِع نفوس ٍ مريضه بكذب ٍ وإفتعال
ليت لي قلب ٍ لضاق إبتسم وإلا غفل=غفلت القلب الخلي وإبتسامة طيب فال
ياقصيدي وإن تصاغرت في عيني ثقل=قدرك بقلبي وشلتك على روس الثقال
أتأدب في جميع الظروف ولايكل=إجتهادي للمعالي وكره الإتكال
إحتراماتي وتقديري إلذاتي ولل=محترم نفسه ويعرف الحرام إمن الحلال
وإحتياجي للهوى هز شعري لين مل=كل عرق ٍ في شرايين قلبي ثم مال
عادت القلب يتمنى ولكن لا ينل=غير حظه من نصيبه وحب ٍ لايُنال
إيه ياوقت ٍ مضى بين ليه وبين هل=حبنا الطاهر ضريبة دعاوي وإبتهال..؟
ول ياوقت ٍ قضيته وأنا مغبون ول=أشهد إني مارضيت إنصياعي والزوال

المشاركة الأصلية كتبت بواسطة صالح أل صليع (المشاركة 1107717) صح الله لسانك تقبل مروري تحياتي

المشاركة الأصلية كتبت بواسطة king الوادي king (المشاركة 1108028) صح لسانك ولاهنت على القصيده

المشاركة الأصلية كتبت بواسطة ناصر آل ذروه (المشاركة 1108910) الله الله صح السااانك يامحمد ولاهنت تقبل تحياتي