|
السكوت ابلغ
ارسل لي ابن عمي هذي البيتين على ايميلي : رجعت بخالي الايدي و جرحٍ ما لقى دكتور نهاية رحلتي كانت تحطم مركب آمالي تخيل من كثر ماني حزين وخاطري مكسور اعيش احساسك لحالك وانا مانيب بلحالي ويوم اني قريت الايميل وقت ما صحيت بالضحى , رديت بهالابيات : معا قولت صباح الخير معا قولت صباح النور ضحات غيومن وبردن ولا به خاطرن سالي بغيت ابحر مع فكري وساق الهجس لحن اطيور ادّور ما يطفي الشوق واحاول بس ما جالي نصوني اثنين من صوبك هروجن راسخه بسطور ثنينن من سمان الهرج ثمين القول واجزالي قريت احساسك بشعرك وهجسي للقصيد يثور ويوم اني لمست الحزن بابياتك شقى حالي غدت ساعة نهارك يوم يمر يومك مرور اشهور ولا سدن تبوح لعم ولا تشكي على الخالي قريب الناس ليا منه على حالك عليك يشور بديت تشك والذيره عليك بصوب تختالي وش اللي محزنك عقبي وخلا خاطرك مكسور وانا اخبرك بعيد الحوم تذب الريح متعالي وش اللي ضايق اخلاقك وخلا هاجسك منثور وفي خافي ضميرك شب لهب للنار شعالي ما كل جرحن ترا كايد ما كل جرحن ترا مقدور ولا كل القلوب تشل حمول جروحن اثقالي ما كل من يشتكي مبلي ما كل من يبتسم مسرور ودام ان السكوت ابلغ ترا ما الساكت بخالي ترا جرح القريب ابقى ترا جرح البعيد يزور واذا شاف الجروح اعمق يشد عنها بترحالي صعيب انك تبّسم له وحيل بداخلك مقهور والاصعب لو تصد عنه بعيد تروح رحالي ولكن دامني نازل مقام ٍ عالي ٍ واقصور وسط قلبك غلاتي فوق وانا كفون لمنزالي لجل عينك ترا صدري يشيل اللي يهد اصدور ولا تحزن و ادع رب ٍ عظيم ٍ قادر ٍ عالي صحيح احساسي لحالي أليم ومعظمه مستور ولكن القسى ارحم في بعض اوقات واحوالي وانا عندي مواصيلن و رد افعالها محظور ولا يمنع اذا يدري بها شرواك يا الغالي واقول لما بغيت ابشر ولاني بالشقا معسور وما ذقته بكاس المر اصبه لك عسل حالي وكاسن تشربه همن وخلا عقلك المخمور لا يدري وشهو الاول ولا يستدرك التالي اعوضك عنه بضون تشب بداخلي وتفور وعلى ذي الضو اقند لك وازل الكيف بدلالي تقهوى من فناجيلي ونوخ عمسك المذيور ولا من نوخت عمسك هذاهي عقل واحبالي تراني دايم بصفك ولو ان ذا الزمان يدور واذا ما البال يهنى لك ترا ما البال يهنا لي وترا منت بحبيس اسجان ولا دونك اعالي سور توكل بالولي ربك وثمـّن احسن الفالي وسامحني اذا مني جهالت زلتن واقصور وخبرني الا منك قريت ابيات مرسالي وسلامتكم |
رد: السكوت ابلغ
الله الله :rolleyes:
وش اللي ضايق اخلاقك وخلا هاجسك منثور=وفي خافي ضميرك شب لهب للنار شعالي
صح السانك ياعبدالله ولسان ابن عمك قصيدة طيبة من رجال طيب |
رد: السكوت ابلغ
صح الله لسانك والله لايشينك ... شـكــ وبارك الله فيك ـــرا لك ... لك مني أجمل تحية .
|
رد: السكوت ابلغ
الله الله
صح لسانك ولسان ابن عمك وبيض الله وجهك على القصيده |
رد: السكوت ابلغ
الله الله عليك يابو بندر
صح لسانك وعلى شانك وبارك الله فيك يالسنافي |
رد: السكوت ابلغ
اقتباس:
|
رد: السكوت ابلغ
اقتباس:
|
رد: السكوت ابلغ
اقتباس:
|
رد: السكوت ابلغ
اقتباس:
عقب غيابك ... يامرحبا بك |
رد: السكوت ابلغ
صح الله لسانك ياخوي عبدالله وقصيده جزله من جزل راعيها تقبل تحياتي |
| الوقت في المنتدى حسب توقيت جرينتش +3 الساعة الآن 11:24 AM . |
مجالس العجمان الرسمي