مساعده لاهنتوا علي البحث عن القصيده
ابي خدمه صغيره من اهل الشعر ومحبينه هل قصيده سمعتهاا برنامج بالراديوا وسجلت هل ابيات من القصيده ومحتاره منوو قايلها وش اسمهاا ابغاكم لاهنتواا تساعدوني من اللي قالها وش قصيده اتركم مع بعض ابيات منهاا واتمني تساعدوني هلا بك عد ماهلت دموع العين بغيابك هلا بك عد من كتبت حروف الشوق بوراقي هلا بك عد ماسهرت عيوني لين ماجابك حنينيك وانتهي حزني وبدت ضحكات امالي انا من يوم ماجيتي بدي قلبي علي عتابك لكن دمعه دمعت عيونك طفيت اعتابي الباقي تعالي تعالي وامسح دموعك واناظر روعته اهدابك تعالي وشوفي وش سوي غيابك وشوفي اشواقي احبك احبك مو جديد اني احبك |
رد: مساعده لاهنتوا علي البحث عن القصيده
للأسف ما مرت علي ,,
ننتظر من يجيب الجواب ,, |
رد: مساعده لاهنتوا علي البحث عن القصيده
هلابـك عـد ماهلـت دمـوع العيـن بغيابـك = هلابك عد مانكتبت حروف الشـوق باوراقـي هلابك عد ماسهـرت عيونـي ليـن ماجابـك = حنينك وانتهى حزني وبدت ضحكات اعماقـي انا من يوم ماجيتي بـدى قلبـي علـى عتابـك = ولاكن بدمعه عيونـك طفيتـي عتابـي الباقـي تعالي وامسح دموعك واناظر روعـه اهدابـك = تعالي وشوفي وش سوى غيابك وشوفي اشواقي احبك مو جديد انـي احبـك واعشـق ترابـك = احبك والجديـد انـي احـب الدمـع لفراقـي فديت دموعك الـي لانظـرت وشفتهـا تهابـك = عرفت ان الدموع تهاب تزعل قلبـك الراقـي فداك الي قضاء عمره يحاول يكسـب اعجابـك = يسامـر طيفـك بقلبـه ولاغمـض بالاحداقـي الين انـه كسـب ودك وملـك قلبـك وغنابـك = قصايد شوق ماتكتب لغيـرك ولجلـك تساقـي كـلام الحـب لامنـك رحلتـي قـام يغتابـك = يسولف للبشـر عنـك ويبهـر كـل الاذواقـي سجين بحبـك وانتـي سجينـه قلـب هلآبـك = ولايطري علـي عتقـك ولايطريلـك اعتاقـي هلابك عد مافيني مـن اللهفـه علـى اسهابـك = بكلام الشوق من قلب(ن) ماكنه غير الاشراقـي هلابـك يامـلاك الحسـن ولاظنـي بينتـابـك = غرور(ن) او ثقل لنك فريـده طبـع واخلاقـي هلابك ياقمر كونـي ولاكـن كـرري غيابـك = وتعالي بعد هالغيبـه اشـوف الدمـع لفراقـي
|
رد: مساعده لاهنتوا علي البحث عن القصيده
لاهنت يا ناصر << مبروك عرفنا الاسم :)
تشكر على جهدك في البحث ,,:) |
رد: مساعده لاهنتوا علي البحث عن القصيده
تسلم خيواا علي مساعدتك لي
وربي لايحرمني منهم لكم ودي عذبهـ الاطباع |
رد: مساعده لاهنتوا علي البحث عن القصيده
|
الوقت في المنتدى حسب توقيت جرينتش +3 الساعة الآن 03:58 PM . |
مجالس العجمان الرسمي