ياصاحبي لاتعاتبني وسامحني = بالكلمه الي رفيقك ماتعمدها
المحك في المربق العالي وتلمحني =والى الردي من ظهرها راح مع يدها
الناس فيها بلا والوقت جارحني = والمخطيه خل ولد الناس يطردها
بالرمح كنك على المثناه رامحني = لاشفت قومٍ تخلت عن عوايدها
ماني مصارح خويٍٍ ما يصارحني= ولاني من الى وجيه الناس يعبدها
لاخير في صاحبٍ لا جيت يمدحني = ولارحت كثر عذاريبي وعددها
ولأعرف خبيثٍ بهزل الجد مازحني=الناس في عيونها تعرف مقاصدها
عزمي قوي لو صدوف الوقت تنطحني= وامشي وعثرات ربعي ما تصيدها
ياذا الدهر من سمومك ليه تلفحني= انا بذلت الجهد مخشى نقايدها
ودعتك الله مصافح وانت صافحني= لاعاد تنقص علوم ولا تزودها
بحتك وانا كالبك ياذا الدهر بحني= واسرارنا خلها في وسط مضمدها
لاشي يحزن ولا به شي يفرحني= وفضايل الله علي ماني بجاحدها