قصيدة فالشيخ: راكان بن فهد بن قروش العجمي
قصيده فالشيخ:راكان بن فهد بن قروش العجمي على مواقفه الرائعه والنبيله
****** **** **
بسم الالـه المعتلـي عالـي الشـان=الخـالـق المعـبـود رب البـريـه اللي خلق خلقه على أشكـال والـوان=ويعلـم بـسـر البيـنـه والخفـيـه في قدرته لاقـال للشـئ كـن كـان=وارسل مـن الرحمـه لخلقـه نبيـه ومن بعـد ذكـره للمثايـل والالحـان=اسرجـت بالميـدان بنـت العبـيـه وطبيت لي جوٍ مـن الشـرد مليـان=وقمـت اتخيـر بيـن ذيـه وذيــه مثايـلٍ غيـدٍ جـزيـلات وسـمـان=وهديتـهـن لمقدمـيـن الـهـديـه اللي لهم في صفحـة المجـد عنـوان=أهـل الوفـا والمرجلـه والحمـيـه يستاهـل التقديـر والمـدح راكـان=راع الكـرم والطـيـب والشاذلـيـه راكان بن قـروش واسميـه مزبـان=مزبان مـن ضاقـت عليـه الفضيـه أمـا فقيـر ضايقـه حــق ديــان=والا سجـيـنٍ قيـدتـه القـضـيـه ذكره لمع بالطيب فـي كـل الاوطـان=جـاه وجــاه وسمـعـةٍ عالمـيـه وعضده نغيمش ملتجى كـل بلشـان=غيـث تهـلـه مـزنـةٍ عقربـيـه يفرح به اللي يقضي الليـل سهـران=هو في نحيـه والونـس فـي نحيـه شبل الاسد ياقف مواقيـف الاحسـان=الـراس طيـب والهقـاوي جـريـه عيال ابن قـروش سلايـل كحيـلان=اللـي عزومـه بالمواقـف قـويـه في ساحـة الامجـاد للزحـل ميـدان=فـي فزعتـه والسفـره الحاتمـيـه يعتق رقـاب ويعطـي خيـار قعـدان=ماهوب من يعطـي طفـاس العطيـه من صعبت ظروفه وشاف الوضع شان=وضاقت عليـه فجـوج نجـد العذيـه يزبـن فهـد ويشيـل عنـه بليهـان=لو كان حملـه كبـر هضبـة طميـه يفرح به اللي ماله ربـوع واخـوان=في موقفٍ صد الـردي عـن خويـه اخو هوّيا ظـل فـي الوقـت وكنـان=من عزوة يـردون حـوض المنيـه عجمان مرجعهـم ليـام بـن همـدان=قمـة فخـر فـي الديـن والجاهليـه ولاقول لي قولٍ علـى غيـر برهـان=وقـولٍ بـلا برهـان ماهـوب ليّـه أبمـدح الطيـب ولانيـب غلـطـان=وراع الوفـا والطيـب لـه مقدريـه والمدح بأهل الطيب من ماض الازمان=ونار آل قروش طـول الايـام حيـه |
رد: قصيدة فالشيخ: راكان بن فهد بن قروش العجمي
صح الله السانك ولاهنت على القصيدة
|
رد: قصيدة فالشيخ: راكان بن فهد بن قروش العجمي
صح السانك ولاهنت على القصيده
ويستاهل ابن قروش المدح |
رد: قصيدة فالشيخ: راكان بن فهد بن قروش العجمي
شـكــ وبارك الله فيك ـــرا لك ... لك مني أجمل تحية .
|
رد: قصيدة فالشيخ: راكان بن فهد بن قروش العجمي
صح لسااانك يا ابو فالح و ما عليك زود ,, و يستاهل ابن قروش المدح و هو من اهله ,, و مرحبا بك في مجالس العجمان ,, تقديري ,, |
رد: قصيدة فالشيخ: راكان بن فهد بن قروش العجمي
صح السانك
ويستاهل الممدوح |
رد: قصيدة فالشيخ: راكان بن فهد بن قروش العجمي
صح الله لسانك ولسان شاعرها ولاهنت قصيده وافيه من وافي وبيض الله وجهك على هذه القصيده الرائعه |
الوقت في المنتدى حسب توقيت جرينتش +3 الساعة الآن 03:26 PM . |
مجالس العجمان الرسمي